‘Apple’ ka njoftuar se në të ardhmen nuk do të prodhojë më ‘iPhone’ ekonomikë dhe me funksione të reduktuar dhe jo për të gjithë kategoritë e blerësve.
Lajmin e ka njoftuar shefi i ‘Apple’, Tim Cook, gjatë fjalimit të tij në Asamblenë e Përgjithshme të punonjësve në zyrat qendrore në Cupertino.
‘Nuk do të prodhojmë ‘iPhone me çmime dhe funksione të reduktuara, pasi përdoruesit tanë janë të gatshëm të paguajnë më shumë për të patur një telefon me cilësinë më të mirë të mundshme’, tha Cook, i cili pas raportimit financiar të kompanisë për fillimin e vitit 2016, konfirmoi se muajin e ardhshëm ‘Apple’ do të hedhë në treg një tjetër ‘iPad’.
Duke përmendur 74.8 milionë ‘iPhone’-t e shitur vetëm gjatë festave, Cook tha se ‘iPhone’ mbetet bisnesi dhe alternativa më e mirë e së ardhmes.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve./
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
