Apple planifikon të ndalojë shitjen e disa versioneve të Apple Watch në Shtetet e Bashkuara sa më shpejt, çfarë shënon një nga mosmarrëveshjet më të rëndësishme ndër vite.
Kompania konfirmoi se nuk do të shesë më Apple Watch Series 9 dhe Apple Watch Ultra 2, duke filluar nga e enjtja në Apple.com dhe nga vendet e shitjes me pakicë pas 24 dhjetorit.
Vendimi për të hequr një nga produktet më të njohura vjen si pasojë e një mosmarrëveshje të vazhdueshme me prodhuesin e pajisjeve mjekësore, Masimo, lidhur me veçorinë e oksigjenit të gjakut. Apple ka reklamuar vazhdimisht smartwatch-in si një pajisje që shpëton jetë, duke ndihmuar në lansimin e Apple Watch në stratosferë duke bërë që të jetë ora më e shitur në të gjithë botën. Por, mosmarrëveshja e tyre me Masimo rrezikon të cënojë këtë sukses.
Komisioni Ndërkombëtar i Tregtisë në Shtetet e Bashkuara ka vendosur se Apple ka shkelur patentën e oximetrit të Masimo, e cila përdor teknologjinë bazuar në dritë për të lexuar nivelet e oksigjenit në gjak.
Ndërkohë së fundmi në një deklaratë kompania është shprehur:
“Derisa periudha e shqyrtimit të përfundojë, Apple po ndërmerr hapa paraprakisht për t’u pajtuar nëse vendimi qëndron”, është shprehur Apple.
Kompania shtoi: “Apple nuk pajtohet fuqimisht me urdhrin dhe po ndjek një sërë opsionesh ligjore dhe teknike për të siguruar që Apple Watch të jetë në dispozicion të klientëve”.
Joe Kiani, kreu i Masimo, shprehet se ai mendon që vendimi për të pezulluar shitjen e pajisjeve është episodi më i fundit në konfliktin e vazhdueshëm për patentat.
“Ajo ka qenë një shkelje e synuar me qëllim”, theksoi Kiani.
Apple ende nuk ka tentuar të arrijë një marrëveshje me Masimo, por Kiani shprehet se është i hapur për bisedime.
Këto kompani kanë qenë përfshirë në një grindje të vazhdueshme për një kohë të gjatë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
