Apple bëhet kompania e parë që vlen 2 trilionë dollarë - Business Magazine Albania

Apple bëhet kompania e parë që vlen 2 trilionë dollarë

Gjigandi i teknologjisë Apple është tashmë e para kompani në Shtetet e Bashkuara që vlerësohet në bursa me shifrën rekord të 2 trilionë dollarëve. Kjo rritje e madhe e kompanisë vjen vetëm 2 vite më pas kur ajo u vlerësua si e para në botë që arrin vlerën e 1 trilion dollarëve.

Aksionet e saj arritën çmimin e 467.77 dollarëve në mesditën e së mërkurës duke e çuar vlerësimin total në mbi 2 trilionë dollarë. Kompania tjetër në botë që vlerësohej në këto shifra ishte ajo e naftës Aramco që mbështetet nga qeveria saudite, por aksionet e saj kanë pësuar rënie dhe tashmë ajo kuotohet në çmimin 1.8 trilionë dollarë.

U deshën 42 vjet që Apple të arrinte vlerën 1 trilion dollarë në vitin 2018, ndërsa u deshën vetëm dy vjet të tjera për të arritur në 2 trilion dollarë. Një tjetër moment historik për prodhuesin e iPhone-ve, kompjuterëve Mac dhe Apple Watches, duke çimentuar titullin e tij si ndërmarrja më e vlefshme publike në botë, ndërsa pandemia siç duket ka qenë një shpërblim për gjigandët e teknologjisë. Kohët e fundit, në mes të marsit, vlera e Apple ishte nën 1 trilion dollarë pasi tregu i aksioneve u zhyt në frikën e koronavirusit, por javët e fundit rezultuan “të arta” për gjigandin e teknologjisë.

BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0