Krijuesit nëpërmjet këtij aplikacioni duan që të konkurrojnë gjigantët e rrjeteve sociale Facebook, Instagram dhe Snapchat.
Aplikacioni ‘Tapnapp’ është krijuar nga shqiptarë të Maqedonisë që jetojnë në Zvicër. Bëhet fjalë për Nedim Dauti, Blerim Dauti dhe Valmir Amzai.
Mbrëmë u bë edhe lançimi i këtij aplikacioni dhe krijuesit thonë se në orët e para kanë pasur mbi 450 përdorues që kanë kërkuar të abonohen në këtë aplikacion.
”Gjithashtu aplikacioni përmban një lloj të ri chati visual që nuk është përdorur asnjëherë më parë. Ideja e këtij aplikacioni lindi vitin e kaluar pasi që njëri nga kreatorët, duke përdorur rrjetet sociale ekzistuese vuri re që gjithmonë shikonte përmbajtje pas disa minutash, orësh, ditësh ose edhe më tepër.
Duke parë këtë problematikë, ramë në perfundim që ky mekanizem duhej të ndërrohej me një sistem të ri që do t’i mundësonte botës dixhitale të ketë një koncept të njëjtë me jetën reale.” thotë Blerim Dauti, njëri ndër krijuesit e këtij aplikacioni.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
