Aplikacionet e Google, Gmail dhe Youtube janë jashtë funksionit - Business Magazine Albania

Aplikacionet e Google, Gmail dhe Youtube janë jashtë funksionit

Dy platformat gjigante, që regjistrojnë miliona përdorues në mbarë botën, Youtube dhe Gmail, janë jashtë funksionit momentalisht.

Janë të shumtë reagime në rrjet ku njerëzit shprehen se nuk aksesojnë dot në adresën e tyre në Gmail apo se nuk hapin video në Yotube. Shtetet e Bashkuara kanë lëshuar një urdhër emergjence ditën e Hënë pasi zbuluan një hakim të departamenteve të thesarit dhe tregtisë. Duke filluar rreth orës 11.30 të mëngjesit ndërprerjet duket se kanë prekur shumicën dërrmuese të shërbimeve të Google, përveç kërkimeve kryesore. Pavarësisht nga natyra universale e ndërprerjeve, sistemet e automatizuara të ndërmarrjes nuk raportuan probleme për ndonjë shërbim për 30 minutat e para të ndërprerjes, si në drejtim të konsumatorit ashtu edhe në mjetet për zhvilluesit.

LEXO: Sulmohet Thesari i SHBA-së, hakerët e mbështetur nga Rusia vjedhin informacion me vlerë

“Ne jemi të vetëdijshëm për një problem… që prek shumicën e përdoruesve. Përdoruesit e prekur nuk janë në gjendje të hyjnë në shërbimet e Google”,deklaroi më herët kompania.

Ndërprerja duket se lidhej me mjetet e vërtetimit të kompanisë, të cilat menaxhojnë se si përdoruesit hyjnë në shërbimet e drejtuara nga Google dhe zhvilluesit e palëve të treta. Kjo do të thotë që mjetet që nuk funksionojnë pa u identifikuar, të tilla si Gmail dhe Google Calendar, nuk ishin të disponueshme plotësisht. Shërbimet e palëve të treta që përdorin platformën e Google vazhduan funksionin e tyre. Shërbime të tilla si YouTube nuk funksiononin fare madje edhe për përdoruesit që janë identifikuar tashmë në një llogari të Google.

Mosfunksionimi ndërpreu rëndë shërbimet për shumë vende pune. Google Suite, një nga shërbimet e prekura, menaxhon jo vetëm komunikimin me e-mail, por edhe mesazhet brenda zyrës përmes shërbimeve Chat dhe Meet dhe punën aktuale përmes Google Docs, Sheets dhe Slides. Edhe ata që përdorin shërbime të tjera kanë pasur probleme, si punonjësit që mbështeten te Slack,  një aplikacion ku kolegët mund të flisnin mes tyre për probleme të kompanisë. Për ata që punojnë nga shtëpia, ndërprerja ndikoi në shërbimet Smart Home të Google, duke përfshirë altoparlantët inteligjentë Google Home dhe termostatet Nest.

Shtetet e Bashkuara kanë lëshuar një urdhër emergjence ditën e Hënë pasi zbuluan një hakim të departamenteve të thesarit dhe tregtisë. Të gjitha agjensive federale u është kërkuar të shkëpusin kompjuterët e tyre nga interneti. Shtetet e Bashkuara nuk kanë identifikuar se kush është pas sulmit. Incidenti vjen më pak se një javë nga sulmi kibernetik ndaj FireEye, një firmë elitare e sigurisë kibernetike e cila tha se janë vjedhur mjetet e saj të hakimit.

Agjencia e Sigurisë Kibernetike dhe Sigurisë së Infrastrukturave tha se sulmi ka potencialin për të kompromentuar të gjitha sistemet qeveritare.  Sipas agjencisë së lajmeve Reuters dhe burimeve të afërta me çështjen, Rusia është përgjegjëse për sulmet kibernetike. Në një deklaratë të publikuar në rrjetin social Facebook, Ministria e Jashtme Ruse i përshkroi akuzat si të pabaza.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0