Amazon sapo lançoi syzet që aktivizohen nëpërmjet zërit


Nga John Brandon, kontributor në Inc

Ideja është që asistenti me zë Alexa do të funksionojë gjatë gjithë kohës që jeni duke i vendosur syzet. Bateria e tyre mund të zgjasë gjithë ditën me një karikim; nëse dëgjoni muzikë, bateria zgjat deri në tre orë.

Lançimi i këtyre syzeve është një mënyrë e shkëlqyer për të përdorur Alexa-n, për të bërë thirrje dhe për të dëgjuar muzikë.

Lexoni:Një punonjës i Amazon fiton lotarinë dhe e lë punën, por kompania mendonte se ai po bënte shaka

E para, ky është një produkt që zgjidh një problem të thjeshtë. Kur jeni duke lëvizur, për të hyrë në Alexa, duhet të nxirrni telefonin nga xhepi dhe të thoni Alexa. Në shtëpi ose në zyrë, ju mund të keni një folës Echo, por jo në një shëtitje në park ose duke udhëtuar për në punë.

Unë e kam thënë shumë kohë më parë që kur produktet si Alexa të bëhen më të përhapura përreth nesh, më në fund do të arrijmë në pikën ku nuk do të kemi nevojë të kontrollojmë telefonin në çdo minutë të ditës.

Lexoni: Kjo është historia interesante se si Amazon për pak e bleu Netflix-in

Një pjesë e arsyes që jemi kaq të lidhur me telefonat tanë është se jemi mësuar t’i përdorim ata gjatë gjithë ditës, por shumë nga gjërat që bëjmë në një telefon mund të bëhen edhe me zë.

Është më e lehtë për të kontrolluar dritat, temperaturën në shtëpinë tuaj, derën e garazhit dhe një alarm sigurie me zë. Në një telefon, duhet fillimisht të hapësh telefonin, të gjesh aplikacionin dhe të klikosh një buton.

Sigurisht, ka përjashtime. Ndonjëherë, ju mund të dëshironi t’i rishikoni veprimtaritë tuaja në mediat sociale dhe madje krijimi i një postimi të ri në Twitter është më i lehtë në telefon sesa me zë. Nuk mund ta parashikoj plotësisht ditën kur do të bëjmë redaktimin e videove me zë.

Lexoni: Amazon teston një sistem për të marrë feedback nga produktet

Ajo që ndryshon me Echo Frames është që ne fitojmë shumë kohë nga ndërveprimet e zërit kur nuk jemi në makinë, në shtëpi ose në zyrë. Unë shoh një të ardhme kur telefoni do të jetë një pajisje dytësore dhe shumica e detyrave tona të përditshme do të kryhen përmes zërit. Kjo përfshin kryerjen e thirrjeve, transkriptimin e një teksti, kërkimin e udhëzimeve, kërkimin në Google e të tjera.

Ekranet do të jenë më të dobishëm për punë të hollësishme.

Amazon Echo Frames janë të shkëlqyera, sepse ato mundësojnë kontrollimin e pothuajse çdo gjëje përmes zërit.

Inc

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale