11 folës nga vende të ndryshme të botës, një panel diskutimi dhe 350 pjesëmarrës.
AllWeb mblodhi së bashku jo vetëm entiziastët e botës së marketingut, por edhe CEO, menaxherë, studentë dhe punonjës të departamenteve të ndryshme të kompanive për të diskutuar zhvillimet dhe trendet më të fundit të teknologjisë.
Shumë prej pjesëmarrësve kanë dalë nga kjo konferencë me një tjetër këndvështrim për CEO-n, përmbajtjen, përdorimin e platformave dhe mbi të gjitha, informacione të përditësuara edhe se si po sillet Google tashmë në një treg ku ka konkurentë platforma të tjera ndërkombëtare. Si është pozicionuar AI në raport me gjithë këtë dhe mbi të gjitha, cili është roli ynë në raport me AI.
Ekspertë në fushën e AI, Data specialist, ndër personat më të shquar në Linkedin, strategë, folës, themelues biznesi dhe ekspertë marketingu. Ata janë Steen Rasmussen, Jasmin Alić, Miroslav Varga, Dave Birss, Diane Wiredu, Andi Jarvis, Lars Silberbauer, Antoni Lacini, Dario Marčac, Maeva Cifuentes, Vladimir Vulic (Vanja)
Disa nga mesazhet më pikante të folësve:
1- Bëj çfarë është e drejtë, jo çfarë është e sigurt
2- Lidershipi nuk është një titull është një sjellje
3-Rregulli i 1: ide, lexues, premtim
4- Mesazhi jep gjerat më të rëndësishme për kompaninë dhe produktin tuaj dhe pse kjo ka vlerë për audiencën tuaj.
5-Fjalia e parë e një postimi duhet të jetë grepi për lexuesin tuaj
6-Një grep i mirë përbën 90% të mesazhit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
