Alibaba do të punësojë 5,000 punonjës pasi pandemia po rrit kërkesën për shërbime cloud - Business Magazine Albania

Alibaba do të punësojë 5,000 punonjës pasi pandemia po rrit kërkesën për shërbime cloud

Alibaba e Kinës do të shtojë 5,000 vende pune në departamentin e saj të teknologjisë cloud deri në fund të vitit, pasi kriza e koronavirusit ka ndikuar në rritjen e  kërkesës për transmetim, thirrje video dhe ruajtje të të dhënave. Vendet e reja të punës do të jenë në fushat përfshirë rrjetet, bazat e të dhënave, serverët, çipat dhe inteligjencën artificiale, tha kompania. Alibaba ( BABA ) është ofruesi më i madh i cloud në Azi dhe ofruesi i tretë më i madh në botë, sipas firmës kërkimore Gartner.

“Rrugëtimi i transformimit dixhital për bizneset në Kinë, i cili më parë pritej të zgjaste tre deri në pesë vjet, tani ka të ngjarë të përshpejtohet dhe të përfundojë brenda një viti.” Jeff Zhang, presidenti i Alibaba Cloud Intelligence, tha në një deklaratë.

Shpallja e vendeve të punës vjen pasi Alibaba u angazhua në prill të shpenzojë 200 miliardë juanë (28 miliardë dollarë) gjatë tre viteve të ardhshme për të ndërtuar më shumë qendra të të dhënave. Të ardhurat nga cloud në gjigantin e teknologjisë u rritën në 40 miliardë juanë (5.7 miliardë dollarë) në vitin fiskal 2020, një rritje prej 62% gjatë një viti më parë.

Papunësia është rritur gjatë pandemisë. Por ka akoma kompani që punësojnë mes paqëndrueshmërisë  ekonomike pasi ndryshimi i zakoneve të konsumatorit detyrojnë firmat të operojnë në industri të larmishme për të përthithur talentin.

Kroger ( KR ) , Dollar General dhe Aldi janë ndër ndërmarrjet ushqimore dhe ato të shitjes me pakicë që punësojnë punëtorë. Ekzistojnë pozicione të hapura në kontraktorin e mbrojtës Raytheon ( RTN ) dhe në firmën farmaceutike GlaxoSmithKline ( GLAXF ) . Në industrinë e teknologjisë, PayPal ( PYPL ) , Epic Games dhe Riot Games kanë rritur punësimin.

Amazon ( AMZN ) , Microsoft ( MSFT ) dhe pronari i Google Alphabet ( GOOGL ) janë të gjithë lojtarët kryesorë në cloud, i cili i referohet ofrimit të shërbimeve informatike si ruajtja, bazat e të dhënave, softueri dhe analitika nëpërmjet internetit.

Microsoft ka qindra pozicione pune të hapura që lidhen me shërbimin e tij të cloud Azure, sipas reklamave në LinkedIn, platforma e mediave sociale e blerë prej saj në vitin 2016, ndërsa Amazon liston mijëra vende pune të reja në faqen e saj të internetit. Google ka qindra vende te reja pune në shërbimet cloud.

Firma e softuerit amerikan VMware ka 1.350 vende të reja pune në të gjithë botën, shumë prej të cilave janë në shërbime cloud – një përparësi punësimi për kompaninë. Kërkesa për shërbime në cloud po rritet gjithnjë e më shumë në nivel global, pasi më shumë njerëz punojnë dhe ndjekin mësimin online nga shtëpia gjatë pandemisë së Covid-19. Disa universitete janë duke u përgatitur të ofrojnë leksione online gjatë vitit të ardhshëm, dhe shumë janë në kërkim të ofruesve të shërbimit të menaxhimit të kopjeve të të dhënave të tyre.

Google Meet, shërbimi video-komunikues i kompanisë, ka parë një rritje prej 30 herë në përdorim që nga janari, duke shtuar rreth 3 milion përdorues të rinj dhe duke kryer 3 miliardë thirrje video çdo ditë.

Slack ( WORK ) , një platformë komunikimi e cila përdor Shërbimet Web Amazon si ofruesin e saj të preferuar të cloud, shtoi 12,000 klientë që paguajnë dhe 90,000 organizata të reja në tre muajt e fundit. Cisco ( CSCO ) dhe Zoom ( ZM ) gjithashtu kanë parë një rritje të përdorimit të mjeteve të tyre të bashkëpunimit në punë.

CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0