Katër ide të reja u prezantuan në puntatën e tetë të “Startop”, projekt i mbështetur nga Ministria e Shtetit për Mbrojtjen e Sipërmarrjes.
Paneli këtë të shtunë përbëhej nga sipërmarrësit Shkëlzen Marku e Marjus Bushi, zv. dekani i Fakultetit të Ekonomisë, Martin Serreqi dhe Besard Kadia, zv. ministër i Ekonomisë dhe Financave. Ndër të tjera panelistët u njohën edhe me projektin e AlbaniaTech, platforma që bën bashkë të gjithë start-upet shqiptare për t’i dhënë jetë ekosistemit.
Projekti i parë që u prezantua ishte “Triple City Incubator and Accelerator”, i cili ka si qëllim ndërtimin e një ekosistemi për sipërmarrjen, kreativitetin dhe inovacionin.
Përfaqësuesja e Universitetit Barleti, Bora Panajoti tha se projekti mbështet start-upe, biznese të vogla apo ekspertë të huaj dhe vendas duke ofruar infrastrukturë moderne, shërbime profesionale dhe platformë virtuale.
Projekti i dytë ishte “Zyra Inovative Bulqizë”, ku të rinjtë kanë mundësinë që të shprehin idetë e tyre të reja dhe çfarë duan nga qytet.
Ramiz Alia, koordinator projektesh në bashkinë Bulqizë u shpreh se me mbështetjen e ministrisë, u ndërmor projekti “Zyra inovative Bulqizë”, ku përfituan shumë të rinj të cilët mund të paraqisnin idetë e tyre.
Morena Çupi është një prej të rinjve që u bë pjesë dhe prezantoi projektin e një blogu që promovon qytetin.
Projekti i tretë që u prezantua në studio përmban emrin “Art dhe zeje në kujtesë”, të cilat janë produkte artizanale që prodhohen nga kromi i Bulqizës.
Suajb Prethi dhe Geralda Gjikola theksuan se tradicionalja nuk humbet nga moda dhe se do të jetë në progres.
“Kromi e identifikon qytetin e Bulqizës dje ne duhet t’i japim një ngjyrim tjetër, duke marrë parasysh që punimi është i vështirë si fillim duhet që të pastrohet, i jepet forma dhe kthehet në formë sfere”, thanë ata.
Projekti i katërt që u prezantua ishte platforma “Albania Tech”, i cili ka për qëllim të bëjë bashkë sipërmarrësit nga i gjithë ekosistemi shqiptar i sipërmarrjes.
I ftuar në studio Gerti Boshnjaku tha se të rinjtë që duan të marrin informacione për startup-et mund të futen në faqe dhe të marrin njohuritë e nevojshme.
“Ne jemi duke u përmirësuar, deri tani janë 170 startape që janë në databazë, ekosistemi ka marrë formë, e gjen të gjithë informacionin këtu, sepse platforma ka një kalendar, çdokush që ka dëshirë të marrë informacion, do të ketë mundësi ta marrë atë. Arritje është pjesa e integrimit me ‘diell room’-in, synimi është të shtojmë ndërveprimin, kemi nisur të bashkëpunojmë si platformë me aktorë të ndryshëm dhe të organizojmë evente të përbashkëta”, tha Boshnjaku.
AlbaniaTech është e para platformë në Shqipëri sa i përket identifikimit të star-upeve dhe informacioneve më të fundit nga fusha e sipërmarrësve të rinj. Nëpërmjet ekosistemit që ka krijuar AlbaniaTech synon të fuqizojë të gjithë sipërmarrëasit e rinj dhe t’i ofrojë atyre një rrjet ku nuk mund të krijojnë lidhje të reja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
