Alarmi i agjentëve britanikë: Pandemia dhe izolimi rritën kërcënimin nga terrorizmi

Në mbrëmjen e 20 qershorit, në një ditë e bukur me diell vere, terrorizmi goditi Britaninë e Madhe pa paralajmërim. I armatosur me thikë, 25-vjeçari Khairi Sadallah u fut në një park në qytetin Reading dhe sipas të dhënave të prokurorisë “sulmoi egërsisht me thikë” tre vetë që gjendeshin në atë park.

Për Neil Basu, shefi i Policisë Britanike kundër Terrorizmit, sulmi vdekjeprurës nuk ishte i rastësishëm. Ai sheh një lidhje me krizën e Coronës dhe kufizimet e rrepta për të dalë. Sipas ekspertit të terrorizmit ekstremizmi është si një sëmundje që është “shfaqur” përsëri pas rënies së pandemisë.

Efektet e izolimit

Basu dhe ekspertë të tjerë mendojnë se sidomos njerëzit pa punë dhe të izoluar dhe të pafavorizuar nga pikëpamja sociale kanë kaluar shumë kohë në internet gjatë karantinës – dhe kështu mund të jenë bërë pre e lehtë për grupet radikale ose individët në internet.

“Izolimi mund t’i përkeqësojë rrethanat negative dhe t’i bëjë njerëzit më të prekshëm ndaj radikalizmit,” mendon Nik Adams, specialist për luftën kundër ekstremizmit. Ekstremistët e dinë se në një situatë të tillë është më e lehtë për të joshur persona të prekur dhe për këtë “ata përdorin shpesh çështje aktuale si grep për t’i tërhequr ata”.

Fundamentalistët islamikë i përdorën për shembull mediat sociale për ta interpretuar shfaqjen e virusit Corona si zemërimin e Allahut kundër Perëndimit. Ata i nxitën mbështetësit e tyre që të sulmonin në kohën e pandemisë, sepse qeveria ishte e angazhuar me problemet urgjente të shëndetit publik dhe jo me sigurinë, kjo është logjika.

Po ashtu për shkak të masave të izolimit në Britaninë e Madhe nuk qe e mundur të vazhdohej programi “Prevent”, pjesë e strategjisë anti terror, në të cilin angazhohen mësues, punonjës socialë apo krerë të grupeve fetare.

Shtim i rrezikut ekstremist të djathtë

Kërcënimi prej ekstremizmit të djathtë u rrit gjatë masave të karantinës në mënyrë alarmante jo vetëm në Britaninë e Madhe por dhe në vendet e tjera evropiane. “Ekstremistët e djathtë, në veçanti, kanë bërë një punë të shkëlqyeshme për të shfrytëzuar teoritë e ndryshme të komplotit dhe konspiracionit si dhe ndjenjat raciste të lidhura me virusin Corona,” thotë Jessica White, eksperte për terrorizmin në institutin Royal United Services.

Sipas autoriteteve, kjo formë e propagandës së djathtë ka marrë shumë forma. Ato shkojnë nga pretendimi se infeksioni është përhapur më shpejt nga disa grupe etnike deri në teori për përfshirjen e kinezëve në krijimin e virusit.

Studiuesit argumentojnë se njerëzit që e prekur nga papunësia dhe mungesa e perspektivave janë shpesh më të ndjeshëm ndaj këtyre lloj dezinformatave. Ekspertët kanë frikë se rënia ekonomike pas përfundimit të pandemisë mund ta rrisë më tej rrezikun e radikalizmit, sepse varfëria dhe privimi mund të kontribuojnë gjithashtu në radikalizëm, thotë White.

DW

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale