E kishit menduar se e drejta e autorit do kërkohej edhe në inteligjencën articiale? Në fakt një raport i ri ka ngritur alarmin mbi përdorimin e materialeve të mbrojtura nga të drejtat e autorit në trajnimin e inteligjencës artificiale. Projekti AI Disclosures pretendon se OpenAI ka përdorur libra me pagesë nga O’Reilly Media për të trajnuar modelin e saj më të fundit, GPT-4o, pa leje.
Lexo gjithashtu: Shqipëria përballë inovacionit; Ndikimi i ChatGPT në tregun e punës dhe në ekonomi
Hulumtuesit krahasuan përgjigjet e GPT-4o dhe GPT-3.5 Turbo mbi një dataset prej 34 librash të mbrojtur nga të drejtat e autorit dhe zbuluan se modeli i fundit kishte një “njohje të fortë” të përmbajtjes së mbyllur, ndërsa versioni më i vjetër dukej më i njohur me mostra publike të librave të njëjtë.
Ky zbulim rindez debatin mbi transparencën në përdorimin e të dhënave për trajnim. Autorët e studimit theksojnë se mangësia e një kuadri të qartë ligjor për të dhënat e përdorura në trajnimin e AI mund të krijojë një problem të vazhdueshëm për krijuesit e përmbajtjes dhe zhvilluesit e modeleve gjenerative.
“Ekosistemet e qëndrueshme duhet të dizajnohen në mënyrë që si krijuesit, ashtu edhe zhvilluesit të përfitojnë nga AI,” shkruajnë autorët, duke paralajmëruar se, pa një sistem të drejtë kompensimi, përparimi i modeleve mund të ngadalësohet në të ardhmen.
Lexo gjithashu: 7 mjete fantastike, mbi të gjitha falas të AI që duhet t’i dini
Kjo nuk është hera e parë që OpenAI përballet me akuza për përdorimin e materialeve të mbrojtura nga e drejta e autorit. The New York Times tashmë ka ngritur një padi kundër kompanisë dhe aksionerit të saj minoritar, Microsoft, mbi shkeljen e të drejtave të autorit.
Megjithëse OpenAI ka arritur disa marrëveshje licencimi me botues të ndryshëm, kjo çështje shton më tej presionin për rregulla më të qarta dhe më të rrepta mbi burimet e të dhënave që përdoren për të fuqizuar modelet gjuhësore.
Një përfaqësues i OpenAI nuk ka dhënë ende një koment mbi këto pretendime. Ndërkohë, debati mbi të drejtat e autorit në epokën e AI vetëm sa po intensifikohet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
