Akademia, aplikacioni nga Kosova triumfon në garën rajonale për "Biznes plane të Gjelbërta dhe Inovative" - Business Magazine Albania

Akademia, aplikacioni nga Kosova triumfon në garën rajonale për “Biznes plane të Gjelbërta dhe Inovative”


Besart Konushevci, nga Kosova rrëmben fitoren në garën rajonale për “Biznes plane – të Gjelbërta dhe Inovative”.

Forumi për Iniciativa Qytetare, informon për fitorën e ideatorit kosovar Besart Konushevci në garën rajonale për “Biznese të gjelbërta dhe Inovative” që u organizua në Kolasin, Mal të Zi në datat 26-29 Korrik nga Balkan Green Foundation, me mbështetjen e Rockefeller Brothers Fund.

Platforma “Akademia”, e konceptuar dhe zhvilluar nga Konushevci parasheh ndërtimin e një startup-i teknologjik në Kosovë dhe vendet shqipfolëse të rajonit, që do të ndalojë plagjiaturën në sistemin akademik të Kosovës duke mbështetur hulumtimet shkencore dhe duke zvogëluar mbeturinat nga përdorimi i letrës.

Ky do të jetë aplikacioni i parë i këtij lloji në Ballkan që do të shërbejë si mjet për identifikim të plagjiaturës.

Platforma “Akademia” është përzgjedhur në mes të 18 ideve rajonale si një ndër projekt-propozimet më të mira, që sjell ndryshime konceptuale të sistemit akademik të Kosovës.

Lexo: “Inhalator” shpikja e kosovarit nga Peja mbrohet me patentë

Platforma do të mbështetet financiarisht me 10.000 $ nga Rockefeller Brothers Fund dhe 2.500 euro nga FIQ.

Platforma “Akademia” u përzgjodh si njëra nga tre idetë më të mira në garën rajonale të organizuar prej FIQ “Ide Biznesi – Të Gjelbërta dhe Inovative 2017”. Dy ide të tjera garuese në këtë garë ishin edhe “DYVO” e zhvilluar nga Nikki Murseli dhe “Rrënjët tona” e ideuar nga Fisnik Kuqi.

“DYVO” është një sipërrmarje sociale, që ka për qëllim dizejnimin e aksesorëve të përditshem, nga ato trupore e deri tek ato shtëpiake, përmes ripërdorimit të mbetjeve të qelqit ndërsa “Rrënjët tona” është një sipërmarrje sociale, që ka për synim kultivimin e këpurdhave Oyster përmes riciklimit të kafesë.

FIQ e zhvillon garën “Plane biznesi – të gjelbërta dhe innovative” që nga viti 2012, me qëllim nxitjen e sipërmarrjes sociale, ekonomisë së gjelbërt dhe punësimit lokal. Ai është një fondacion që promovon filantropinë për zhvillim të qëndrueshëm në Kosovë, rajon dhe më gjerë.

Lexo: Drejtoresha e HAKO-s: “UNË DO TË DOJA SHUMË QË FILANTROPIA TË MOS BËRTITEJ”

Burimi: rtv21.tv

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0