AirPods kanë zgjuar shumë interes tek njerëzit, ato janë të cilësisë së lartë, rezistente ndaj ujit, të lehta për t’u mbajtur dhe nuk kanë nevojë për tela. Gjithashtu për të folur më tej për këtë shpikje, ka folur shefi ekzekutiv i Apple, Tim Cook i cili gjatë prezantimit të iPhone 7, tha se këto kufje janë hapi i parë drejt të ardhmes së wireless-it.
Por, ekspertët e shëndetit paralajmërojnë se këto pajisje mund të kenë një ndikim shkatërrues në shëndetin e njeriut.
Të fuqizuar nga teknologjia e Bluetooth-it, AirPods transmetojnë valë me intensitet të ulët në vesh. Studimet tregojnë se me kalimin e kohës, këto valë dobësojnë barrierën ndërmjet gjakut dhe trurit, që është i rëndësishëm për të mbajtur larg toksinat kimike.
“Po luajmë me zjarrin”, tha dr. Joel Moskowitz, profesor tek Shkolla e Shëndetit Publik UC Berekely.
Ai vazhdoi më tej duke thënë se afër trurit po vendosim një pajisje që emëton vale, duke e rritur rrezikshëmrinë në trupin tonë. Por, ende nuk është përcaktuar frekuenca ekzakte që këto kufje me Bluetooth emetojnë. Ndërkohë inxhinierët dhe drejtuesit e marketingut të Apple-it insistojnë se emetimet e valëve janë brenda rregullave të vendodura nga Komisioni Federal i Komunikacionit.
Por, një nga hulumtuesit më të mëdhenj në botë në fushën e rrezatimit të telefonave celularë, Dr. Leif Salford thotë se celularët mund të jenë më të dëmshme nëse mbahen pak larg nga koka (kur flasim me zë të lartë) se sa kur e vendosim tek veshi (kur bëjmë ndonjë telefonatë).
Burimi: lajmifundit.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
