Përveç Koresë së Jugut dhe Shteteve të Bashkuara, klientët në 200 shtete, përfshirë edhe në Shqipëri, do të jenë në gjendje të përdorin ndërfaqen inteligjente, e cila do t’i ndihmojë ata që t’i sigurojnë gjërat më shpejt dhe më lehtë.
Aktualisht i disponueshëm në anglisht dhe në gjuhën koreane1, Bixby sjell produktivitet dhe personalizim të zgjeruar të smartphonit nëpërmjet Komandave të Shpejta (Quick Commands), një funksion që ju lejon të krijoni lehtësisht një komandë zanore për t’u përdorur në vend të një sekuence të një ose më shumë komandave. Për shembull, ju mund të përdorni komandën “natën e mirë” (“good night”) si një shortcut për “Aktivizo modalitetin “Mos Shqetëso”, vendos një alarm për 6:00 AM dhe ndiz filtrin e dritës blu”.
Bixby gjithashtu kupton mënyrën si flisni, si bëni pyetje dhe kërkesa. Për shembull, nëse merrni një foto dhe më pas i thoni Bixby-t që “ta dërgojë foton e sapobërë tek Mami”, Bixby i kupton komandat ndër-aplikuese dhe do të dijë se cilës foto i referoheni dhe do ta dërgoj atë te mamaja juaj. Ky kuptim i natyrshëm i gjuhës e bën ndërveprimin me telefonin tuaj më të lehtë dhe më intuitiv. Me teknologjinë e tij të mësimit të thellë e përsëritës, Bixby do të përmirësohet me kalimin e kohës për të njohur preferencat tuaja personale dhe mënyrat e të folurit.
Bixby është unik sepse është një ndërfaqe inteligjente, dhe jo një aplikacion i pavarur. Kur një aplikacion bëhet Bixby-enabled, Bixby do të mbështesë pothuajse çdo detyrë që aplikacioni është i aftë të kryejë duke përdorur zërin, prekjen ose tekstin. Integrimi i thellë i Bixby-t është gjithashtu i integruar në cilësimet e telefonit në mënyrë që të mund të ndryshoni opsionet e telefonit, të tilla si vendosja e kohës së fikjes së ekranit ose shfaqja e të gjitha njoftimeve, pa ndërprerë atë që po bëni aktualisht.
Me një pamje dhe ndjenjë bashkëkohore, “Samsung Gravity Stand” i pasuron dhomat me dizajnin dhe formën e tij moderne. I përbërë nga çelik që nuk ndryshket, i cili shpesh përdoret nga arkitektët dhe prodhuesit e mobiljeve për shkak të forcës dhe pamjes estetike që ofron, “Gravity Stand” është kaq praktik saqë QLED TV duket sikur lundron kur vendoset. Madhësia e vogël e mbajtëses gjithashtu mundëson që televizorët të vendosen në hapësira, të cilat më parë kanë qenë të kufizuara. “Gravity Stand” gjithashtu mbështet funksionalitetin për ta rrotulluar televizorin deri në 70 gradë (deri në 35 gradë majtas ose djathtas).
“Tani miliona klientë në mbarë botën kanë qasje në një mënyrë të re dhe inteligjente për të bashkëvepruar me telefonin e tyre”, tha Injong Rhee, Zëvendëspresident Ekzekutiv dhe Shef i R&D, Software dhe Shërbimeve të Biznesit të Komunikimit Mobile pranë Samsung Electronics. “Zgjerimi i aftësive të zërit të Bixby është një hap fillestar në vazhdimin e funksionimit të Bixby. Në të ardhmen, Bixby do të ketë fuqinë e të mësuarit për të ofruar ndërveprime më inteligjente dhe të personalizuara dhe lidhje të padukshme midis më shumë pajisjeve.”
Samsung planifikon të vazhdojë të zgjerojë aftësitë zanore të Bixby në shtete, gjuhë, pajisje, veçori dhe aplikacione të palëve të treta. Duke përmirësuar më tej përvojën e tij mobile dhe ofrimin e zgjidhjeve, edhe më shumë përdorues mund të bashkëveprojnë me pajisjen e tyre dhe të menaxhojnë aplikacionet dhe shërbimet e tyre më instinktivisht.
Duke filluar nga sot, përdoruesit e Galaxy S8 dhe S8+2 mund të aktivizojnë aftësitë e zërit të Bixby duke shtypur butonin Bixby për të filluar ndërveprimin. Tani mund të aktivizoni Bixby duke mbajtur të shtypur butonin e dedikuar në telefonët Galaxy S8 dhe Galaxy S8+, ose thjesht duke thënë, “Hi, Bixby”.
Për më shumë informacion se si të bëni më shumë veprime me Bixby, ju lutem vizitoni: https://news.samsung.com/global/how-to-get-more-done-in-your-day-with-bixby
1Komanda zanore njeh anglisht (SHBA) dhe gjuhën koreane. Jo të gjitha thekset, dialektet dhe shprehjet e njohura. Aftësia e shërbimit mund të ndryshojë sipas vendit ose transportuesit. Kuptimi i gjuhës natyrore i lejon Bixby-t të përmirësojë vazhdimisht aftësinë e tij për të interpretuar dialektet rajonale. Por, meqenëse Bixby mëson më shpesh termat e komandave të përdorura më shpejt, do të duhet më shumë kohë që Bixby të kuptojë plotësisht dialektet rajonale që përdoren më rrallë.
2Bixby është aktualisht i disponueshëm në pajisjet e zgjedhura, ku përfshihet Galaxy S8 dhe S8+.
3Shërbimet e disponueshme dhe partnerët e palëve të treta janë të ndryshme në çdo vend.
Më shumë informacione dhe video do të gjeni në linkun bashkangjitur.
http://www.samsungmobilepress.com/news/samsung-expands-bixby-voice-capabilities-in-us-english#
Rreth Samsung Electronics Co, Ltd
Samsung frymëzon botën dhe modelon të ardhmen me ide dhe teknologji transformuese. Kompania po ripërcakton botën e TV-ve, telefonëve inteligjentë, pajisjeve që vishen, tabletëve, pajisjeve dixhitale, sistemeve të rrjetit dhe memorjes, sistemit të zgjidhjeve LSI dhe LED. Për të rejat më të fundit, lutemi vizitoni redaksinë e lajmeve Samsung në http://news.samsung.com.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
