Pra, a është kjo thjesht një paranojë, apo smartfonët janë duke na përgjuar vërtetë?
Lexoni: Mikrovala juaj mund t’ju përgjojë?!
Sipas Dr. Peter Henway – konsulent i lartë për firmën Asterix të sigurisë në internet dhe ish lektor e studiues në Universitetin Edith Cowan – përgjigjia e shkurtër është PO, por ndoshta në një mënyrë që nuk është aq e keqe sa duket.
Të gjitha të dhënat që jepni, përpunohen brenda telefonin tuaj. Ky mund të mos jetë shkak për alarm, por aplikacionet e palës së tretë që keni në smarfonët tuaj si Facebook, ende kanë qasje në këto të dhëna “jo të aktivizuara”. Dhe nëse i përdorin apo jo këto të dhëna, në të vërtetë ata kanë akses në to.
Ai vazhdon të shpjegojë se aplikacionet si Facebook ose Instagram mund të kenë mijëra veçori. Një bisedë e zakonshme me një mik për të kërkuar një palë xhinse të reja mund të jetë e mjaftueshme për t’i aktivizuar ato. Megjithëse, fjala kyçe këtu është “mundet”, pasi, edhe pse teknologjia është atje, kompanitë si Facebook e mohojnë se dëgjojnë bisedat tona.
Duke parë që Google është i hapur për këtë, nuk mund ta përjashtojmë faktin se kompanitë e tjera po bëjnë të njëjtën gjë. Nuk ka arsye pse mos ta bëjnë këtë. Është një mënyrë e mirë për marketingun dhe marrëveshjet për përdorimin e aplikacioneve dhe ligji e lejojnë këtë. Ndaj, supozimi i ngritur nuk është edhe aq i gabuar, por nuk ka asnjë mënyrë për t’u siguruar ende.
Lexoni: Një gabim në aplikacionin FaceTime lejon që njerëzit e tjerë t’ju përgjojnë
“Me këtë në mendje, vendosa të provoj një eksperiment. Dy herë në ditë për pesë ditë rresht, u përpoqa të thosha një grumbull frazash që mund të përdoreshin teorikisht si shkak. Fraza si për shembull, “jam duke menduar për kthimin në universitet” dhe “kam nevojë për disa këmisha me çmim të arsyeshëm për në punë”. Më pas monitorova me kujdes postimet e sponsorizuara në Facebook për ndonjë ndryshim.
Ndryshimet erdhën fjalë për fjalë brenda natës. Papritmas më dolën kurse të semestrit në universitete të ndryshme dhe disa marka që ofronin veshje me çmim të lirë. Nga një bisedë private me një mik se po më mbaronte hapësira për të ruajtur të dhëna, vjen një reklamë në lidhje me planet e të dhënave me kosto të ulët. Edhe pse ishin të gjitha marrëveshje të mira, e gjithë gjëja ishte e hapur dhe e tmerrshme.”
Ndonëse asnjë informacion nuk është i sigurt në përjetësi, në vitin 2018 asnjë kompani nuk i ka shitur të dhënat e saj direkt tek reklamuesit. Por, siç e dimë të gjithë, +reklamuesit nuk kanë nevojë për të dhënat tona që ne të shohim reklamat e tyre.
Peter vazhdoi të thotë se vetëm për shkak se kompanitë e teknologjisë i vlerësojnë të dhënat tona, nuk i mbajnë dot të sigurta nga agjencitë qeveritare. Pasi shumica e kompanive teknologjike janë me vendodhje në SHBA, NSA ose ndoshta dhe CIA potencialisht mund të zbulojnë informacionet tuaja, janë apo jo të ligjshme në vendin tuaj të origjinës.
Pra, po, telefonat tanë po na përgjojnë dhe çdo gjë që themi pranë smartfonëve tanë mund të përdoret potencialisht kundër nesh. Por, sipas Peter, kjo nuk është diçka që shumica e njerëzve duhet të kenë frikë.
Lexoni: Kujdes! Televizori juaj mund të përgjohet
Vetëm nëse jeni gazetar, avokat ose keni ndonjë rol me informacione sensitive, qasja e të dhënave tuaja është e tmerrshme, por nëse jeni si të gjithë të tjerët, duke jetuar një jetë normale dhe duke biseduar me miqtë tuaj rreth fluturimit në Japoni, atëherë nuk është ndryshe nga reklamuesit që shikojnë historinë tuaj të shfletimit.
“Është vetëm një zgjatim i reklamave në televizion,” thotë Peter. “Vetëm se në vend të audiencave prime time, tani po ndiqen zakonet e shfletimit në web. Nuk është ideale, por nuk mendoj se kjo përbën një kërcënim të menjëhershëm për shumicën e njerëzve.”
burimi: vice
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
