Një gabim në aplikacionin FaceTime lejon që njerëzit e tjerë t’ju përgjojnë » Business Magazine Albania – Media Dixhitale dedikuar Sipërmarrjes
Përditësuar së fundmi: 29/01/2019

Një gabim në aplikacionin FaceTime lejon që njerëzit e tjerë t’ju përgjojnë

Share
nga Ornela Trupja
Jan 29, 2019

Një bug (gabim) i zbuluar së fundmi në software FaceTime të Apple po bën të mundur që përdoruesit e Apple të dëgjojnë bisedat e njerëzve që po telefonojnë madje iu jep mundësinë t’i shohin ata edhe pa e hapur këtë telefonatë. Bug-u më herët u publikua në blogun 9to5Mac të Hënën, madje edhe CNN BUSINESS e konfirmoi këtë problem disa herë në testet e bëra vetë.


Në një deklaratë të Hënën në mbrëmje Apple u shpreh se po punohet intensivisht për rregullimin e këtij problemi. Madje faqja Apple ka filluar çaktivizimin e funksioneve të Grupit FaceTime, duke u siguruar privatësinë të gjithë përdoruesve të tij. Ky bug është aktiv vetëm në IPad-ët dhe Iphone, të cilat funksionojnë me sistem iOS 12.1 ose më të rinj.

Ky bug aktivizohet kur telefononi dikë përmes FaceTime. Personi që bën thirrjen mund të dëgjojë audion që vjen nga personi tjetër edhe pse ai nuk e ka pranuar thirrjen telefonike. Madje personi që bën thirrjen është në gjendje t’ju përgjojë bisedat tuaja pa ju ardhur asnjë njoftim në telefonin tuaj.

Për të mos rënë pre e bug-ut, çaktivizoni FaceTime nga të gjitha pajisjet tuaja Apple deri sa të bëhet përditësimi i software. Ju sugjerojmë të ndiqni këtë metodë për ta çaktivizuar atë në pajisjet iPhone dhe IPad: Settings -> FaceTime dhe fikni butonin e gjelbër në pjesën e sipërme të ekranit. Për ta çaktivizuar atë në një Mac, hapni aplikacionin FaceTime dhe shkoni te FaceTime në krye të ekranit, më pas zgjidhni “Turn FaceTime Off”.

CNN BUSINESS