Të gjithë duam një mjedis pune të këndshëm, ku dita kalon më shpejt dhe ndihesh më i motivuar. Sipas një sondazhi të Gallup, të kesh një mik të ngushtë në punë rrit ndjeshëm kënaqësinë, angazhimin, produktivitetin dhe madje ul mundësinë për të lënë vendin e punës. Por, pyetja është: A mund të jetë ky mik… vetë shefi?
Lexo gjithashtu: HelloSafe: Shqipëria, destinacioni i parë për t’u vizituar në vitin 2025
Nëse mendoni se të jesh mik me drejtuesin është si të kesh “mik me influencë” në punë, jeni gabim. Eksperti i marrëdhënieve në lidership, Steve McClatchy, autor i librit Leading Relationships, thotë se ndonëse miqësia në vendin e punës është e rëndësishme, shefi nuk është personi ideal për këtë rol.
Lexo gjithashtu: Po kërkon punë jashtë? Këto janë vendet ku merr vizën më shpejt se kafen
“Shumë mendojnë, nëse do kem një mik në punë, pse të mos jetë vetë CEO-ja? Kjo duket si rruga më e shkurtër drejt avantazheve,” thotë McClatchy. “Por Gallup thotë që të kesh një mik në punë është e dobishme, nuk thotë që ai mik të jetë shefi.”
Ai shpjegon se miqësia e vërtetë nënkupton të vepruarit gjithmonë në interesin më të mirë të njëri-tjetrit. Dhe këtu nis konflikti i mundshëm, një punonjës që i kërkon pushim shtesë mikut të tij, shefit, po e vendos atë në një pozitë të vështirë. Edhe nëse drejtuesi përpiqet të jetë i drejtë, mund të akuzohet lehtësisht për favorizim.
Prandaj, edhe pse idetë për një marrëdhënie të afërt me shefin mund të duken joshëse, realiteti është shumë më kompleks. Të jesh mik i sinqertë me një koleg është shumë më e lehtë dhe e shëndetshme për dinamikën e ekipit.
Në fund të ditës, miqësia e mirë është ajo që na ndihmon të rritemi, por ndoshta jo kur përfshin dikë që vlerëson performancën tonë në fund të muajit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English