Bota është e shpejtë, e zhurmshme, rrjedhimisht komunikimi i vërtetë duket sikur kthehet në një aftësi të rrallë. Jemi të mbingarkuar me takime, email-e, telefonata, por shpesh harrojmë të dëgjojmë. Jo thjesht të dëgjojmë zërin e tjetrit, por të jemi vërtetë të pranishëm.
Dy ekspertë të psikologjisë pozitive, Robert Biswas-Diener dhe Christian van Nieuëerburgh, kanë analizuar pengesat më të zakonshme që na ndalojnë të dëgjojmë mirë, si dhe të ofrojnë një qasje të re, “dëgjimi radikal”.
Lexo gjithashtu: 5 filma dhe serialë për të parë në “Ditën e Lumturisë”
6 sjellje që tregojnë se nuk jeni dëgjues i mirë
Krahasimi – “Edhe mua më ka ndodhur!”
Në vend që të dëgjoni me vëmendje historinë e dikujt tjetër, mendja juaj fluturon drejt një situate të ngjashme tuajën. Dhe përpara se të përfundojë tjetri, jeni gati të ndani përvojën tuaj. Kjo e kthen bisedën nga një moment mirëkuptimi, në një garë për vëmendje.
Gara – “S’është gjë ajo, unë kam kaluar më keq!”
Në vend që të ndihmoni një koleg që ankohet për sfidat në punë, ju nxitoni t’i tregoni se situata juaj ka qenë edhe më e vështirë. E quajmë këtë “gara” dhe është mënyra më e shpejtë për të treguar mungesë empatie.
Lexo gjithashtu: A mund t’i zëvëndësojë miqtë e vërtetë “miku virtual”?
Leximi i mendimeve – “E di çfarë do të thuash.”
Të mendosh se e di paraprakisht çfarë do të thotë dikush, është një mënyrë e sigurt për të mos dëgjuar. Supozimet tona krijojnë një “mur” që na mban larg realitetit të tjetrit.
Këshilla të pa kërkuara – “Po të isha unë në vendin tënd…”
Shumë herë, njerëzit nuk kërkojnë zgjidhje, por një vesh për t’u dëgjuar. Të japësh menjëherë këshilla, pa e kuptuar çfarë kërkon tjetri, është një formë tjetër e dëgjimit të dobët.
Lexo gjithashtu: Nga shkolla në sukses, si dy miq e shndërruan idenë e kopshtarisë në biznes të suksesshëm
Statusi i përparësisë – “Unë e di më mirë.”
Eksperienca është e vlefshme, por kur na bën të ndërpresim të tjerët për të treguar “si bëhet puna”, kemi humbur mundësinë për të dëgjuar zgjidhje të reja. Të dish shumë nuk do të thotë të dëgjosh mirë.
Varfëria kohore – “S’kam kohë për këtë.”
Kur jemi me ngut, mund të dukemi të padurueshëm ose të pa interesuar. Edhe pa fjalë, kjo sjellje i lë të tjerët me ndjesinë se nuk i vlerësoni.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English