A e dinit që këta persona të famshëm kanë brandet e tyre të pijeve alkoolike? - Business Magazine Albania

A e dinit që këta persona të famshëm kanë brandet e tyre të pijeve alkoolike?


Çfarë kanë të përbashkët George Clooney, David Beckham, Ryan Reynolds dhe Angelina Jolie, përveç faktit që janë shumë të famshëm?

Të gjithë po bëjnë para nga brand-et e tyre të pijeve alkoolike.

BusinessMag ju sjell një listë të markave që ju ndoshta mund të mos i njihni, në pronësi të të famshëmve.

1. Drew Barrymore, Barrymore Wine – $ 22- $ 28 (£ 16.70- £ 21.25)

Drew Barrymore u bashkua me vreshtarin e Carmel Road, Kris Kato për të krijuar Barrymore Wines.

“Unë jam adhuruese e verës. Ka shumë për të zbuluar dhe përjetuar dhe udhëtimet e mia më ndihmojnë që ta bëj këtë,” thotë Barrymore në faqen e internetit të markës së saj.

2. Angelina Jolie and Brad Pitt, Miraval Rosé — £20 ($26.35).

Ndërsa ata ishin bashku, Angelina Jolie dhe Brad Pitt prodhuan verën rozë Château Miraval, fituese të disa çmimeve. Çifti bleu Château Miraval në Provence në vitin 2008 për 40 milionë euro sipas raportimeve. Ata u martuan në këtë pronë në gusht të vitit 2014.

3. Channing Tatum, Born and Bred Vodka — $30 (£23)

Channing Tatum u bashkua me Distilerinë Grand Teton për të krijuar Vodkën Born and Broke në vitin 2017.

4. Justin Timberlake, Sauza 901 Tequila — £27.95 ($36.82).

Në vitin 2014, Justin Timberlake u bashkua me Sauza Liquors për të riprodhuar tekilën e tij.

5. Ryan Reynolds, Aviation Gin — £34.75 ($45.77).

Ryan Reynolds ka njoftuar kohët e fundit se ai tashmë është pronari zyrtar dhe kreu i Aviation Gin, në pronësi të Davos Brands – dhe të gjitha këto u bënë pasi ai provoi xhinin për herë të parë, duke e deklaruar atë si “xhinin më të mirë në botë” dhe vendosi të investojë.

Lexoni: Anglia do të ndaloj pijet energjike për fëmijët, reagon deputeti shqiptar

Aviation, i cili u themelua në Portland, Oregon, është një nga pijet më të vlerësuarat në botë, sipas të dhënave nga Wine Enthusiast, një revistë pijesh. Kompania ka shitur rreth 25,000 kuti në vitin 2017.

6. Drake, Virginia Black Whiskey – £ 34.89 ($ 45.95)

Së bashku me ish-financierin Brent Hocking dhe firmën e pijeve Promixo Spirits, Drake lançoi uiskin e zi Virginia Black Whiskey në Qershor të vitit 2016.

Ideja për markën u bazua në “stilin, modën dhe muzikën e viteve 70-të”, ku “jeta e natës ishte me të vërtetë jetë nate”, sipas Hocking.

Hocking tha se Drake është plotësisht i përfshirë në “procesin krijues” dhe shtoi se partneriteti mes tyre është “autentik”.

7. Bob Dylan, Heaven’s Door Spirits — $50-$80 (£38-£61).

Bob Dylan, që fitoi çmimin Nobel, lançoi një linjë për uiski në bashkëpunim me Marc Bushala – sipërmarrësin e pijeve i cili iu shit Bacardit për 125 milionë dollarë.

8. David Beckham, Haig Club Whisky – £ 39.95 ($ 53).

David Beckham ndihmoi në lançimin e uiskit Haig Club në vitin 2014 me një fushatë reklamash që ngjallte stil dhe luks.

Në një deklaratë, Haig Club tha: “Kjo aleancë është bashkëpunuese në çdo nivel dhe një qasje e vërtetë në të cilën të gjithë partnerët luajnë një rol, nga zhvillimi i planit të biznesit në aktivizimin në treg. Partneriteti është ai që gjeneron një larmi të vërtetë idesh, duke sjellë një kthesë moderne.”

9. George Clooney, Casamigos Tequila – £ 51.45 ($ 68.13)

Casamigos Tequila u themelua nga Clooney së bashku me dy miq të tij, manjatin e bareve dhe restoranteve Rande Gerber dhe CEO e kompanisë Discovery Land, Mike Meldman.

Clooney dhe Gerber po kalonin kohë në shtëpitë e tyre në Cabo, Meksikë, kur ata erdhën me idenë për një brand tekila. Casamigos iu shit Diageos në vitin 2017 për 1 miliardë dollarë.

Lexoni: “Vera është e gjallë si Gruaja” – dialog me kimistin Rrahman Gjeta

10. Jay-Z, Shampanja Armand de Brignac – £ 225 ($ 296)

Origjina e Jay-Z në industrinë e pijeve rrjedh nga një grindje me Cristal Champagne.

Në vend që të tallej me Cristal, ai vendosi paratë e tij ku ishte përfitimi, ai përfundoi duke investuar dhe përfundimisht duke marrë përsipër markën e shampanjës franceze të quajtur Armand de Brignac, AKA Ace of Spades.

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0