A duhet t’ja thoni kolegëve pagën tuaj? - Business Magazine Albania

A duhet t’ja thoni kolegëve pagën tuaj?


Të diskutuarit e pagës tuaj me kolegët e punës mund të çojë në probleme serioze në punë. Në fakt nuk është teknikisht e paligjshme për t’u diskutuar por mund të sjellë dëme në mjedisin tuaj të punës duke ju sjellë telashe me punëdhënësin tuaj. Ka disa situata ku ju mund të flisni për pagën tuaj, por duhet të jeni të kujdesshëm që kjo situatë të mos kthehet kundër jush.

  • Çfarë thotë ligji?

Në SHBA, e drejta për të diskutuar për pagën me kolegët tuaj është e mbrojtur nga qeveria federale. “Akti Nacional për Marrëdhëniet e Punës” thotë se punëdhënësit nuk mund të ndalojnë diskutimin e pagave dhe kushteve të punës në mesin e punonjësve. Por ky ligj nuk garanton qasje në informata për pagat e punonjësve. Vetëm kolegët tuaj mund t’ju tregojnë pagat e tyre. Ju nuk mund të detyroni departamentin e burimeve njerëzore t’ju japë këtë informacion.

  • Arsyet për të mos diskutuar mbi pagën tuaj

Diskutimi i pagës me kolegët tuaj mund të krijojë probleme nëse ju zbuloni se ata marrin më shumë se ju dhe mund të filloni të ndiheni xheloz dhe të prekur. Gjithashtu, ky diskutim mund të dëmtojë moralin dhe punën në grup në vendin tuaj të punës. Ju gjithashtu mund të futeni në telashe me punëdhënësin tuaj, sidomos nëse ai ju ka paralajmëruar që të mos e tregoni atë. Punëdhënësi nuk mund t’ju pushojë nga puna sepse keni diskutuar mbi pagën tuaj, por ai mund ta bëjë punën tuaj të pakëndshme ose mund të kërkojë arsye të tjera që ju të largoheni.

  • Arsyet për të diskutuar mbi pagën tuaj

Pavarësisht rreziqeve, ka disa situata kur është i vlefshëm diskutimi i pagës me kolegët tuaj. Nëse ka shans që ju jeni në mënyrë të konsiderueshme të paguar keq në krahasim me kolegët tuaj, kjo bën që kjo bisedë të ketë kuptim. Në këtë mënyrë, ju do të keni në mendje një pagë kur të negocioni një pagë më të mirë me punëdhënësin tuaj.

Gjithashtu ka kuptim të diskutoni për pagën tuaj me kolegët nëse ju mendoni se të gjithë nuk janë të paguar mirë. Nëse të gjithë nuk jeni të paguar, mund të punoni së bashku për të dalë me një plan bindës për punëdhënësin tuaj për të rritur pagat.

  • Si duhet të flisni me kolegët?

Nëse ju do t’i tregoni kolegëve tuaj pagën, ju duhet të bëni kujdes. Sigurohuni që të flisni vetëm me kolegë që keni besim. Gjithkush i përfshirë në diskutim duhet të premtojë që do t’a mbajë informacionin për vete, pa marrë parasysh se çfarë ata mësojnë në këtë mbledhje. Një mënyrë edhe më e sigurtë për të mësuar për pagat e kolegëve është duke biseduar me ata të cilët janë larguar nga kompania – ose të paktën me ata të cilët janë zhvendosur në një departament tjetër.

Së fundmi, kurrë mos flisni me kolegët për pagën tuaj gjatë orarit të punës. Ju duhet ta bëni këtë diskutim në pushim apo pas punës. Përndryshe, ju do të jeni duke humbur kohën e kompanisë, përveç se do të përfshiheni në një diskutim të rrezikshëm.

Burimi: work.chron.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0