Si një lëvizje dikur progresive për legalizimin e substancave psikodelike po bashkohet me interesat e miliarderëve të teknologjisë dhe administratës së djathtë në SHBA – çfarë rrezikojnë qytetarët kur teknologjia “lëviz shpejt dhe merr me vete gjithçka”, përfshirë edhe mendjen tonë.
Lëvizja për legalizimin e substancave psikodelike, që dikur kishte rrënjë progresive dhe aktiviste, sot po gërshetohet gjithnjë e më shumë me interesat e miliarderëve të teknologjisë dhe politikave të djathta në SHBA. Një ndër shembujt më domethënës është rasti i kompanisë Lykos Therapeutics, e cila ka lindur nga një organizatë jo-fitimprurëse e themeluar në vitet ’80 për të promovuar përdorimin mjekësor të MDMA-së (Ecstasy). Kjo kompani është tani pranë një blerjeje nga Antonio Gracias, mik i ngushtë i Elon Musk.
Edhe figura të tjera me ndikim si Peter Thiel dhe Robert F. Kennedy Jr. janë bërë mbështetës të hapur të substancave si ketamina apo ayahuasca. Pavarësisht se FDA refuzoi përdorimin terapeutik të MDMA-së për shkak të mungesës së të dhënave të mjaftueshme, mbështetësit shpresojnë për miratime më të shpejta dhe më pak burokraci në të ardhmen.
Lexo edhe:8 fotografitë që përshkruajnë 100 ditët e para të Trump
Por një pjesë e komunitetit shkencor dhe aktivist ngre alarmin: ky bashkëpunim i ngushtë midis interesave të biznesit dhe lëvizjes psikodelike mund të komprometojë sigurinë publike. Rritja e shpejtë e industrisë së ketaminës – nga 50 klinika në mbi 1,000 në vetëm një dekadë – ka ndodhur shpesh pa kontrolle të duhura, duke çuar në mbidozime dhe keqpërdorime.
Shqetësimi qëndron në faktin se njerëzit e zakonshëm nuk kanë qasje në të njëjtat kushte si miliarderët që i përdorin këto substanca në kushte të kontrolluara, me terapistë personalë dhe kohë të gjatë për rikuperim. Ndërkohë, përdorimi i pakontrolluar i këtyre substancave mund të sjellë pasoja serioze si probleme mendore, varësi, dhe ndjesi të shkëputjes nga realiteti.
Ekspertët sugjerojnë se, përpara çdo hapimi drejt legalizimit, është e domosdoshme ndërtimi i një rrjeti sigurie publike: më shumë kërkime, më shumë edukim mbi rreziqet dhe qendra që mbështesin përdoruesit që përballen me efekte anësore. Psikodelikët nuk janë një zgjidhje magjike. Ato mund të ndihmojnë në trajtimin e shëndetit mendor, por vetëm nëse përdoren me kujdes dhe në mënyrë të rregulluar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
