Hulumtuesit deri më tani e kanë testuar me sukses metodën brenda një dhome me përmasa 5 metër me 5 dhe pretendojnë se teknologjia mund të karikojë deri në 320 pajisje njëkohësisht.
Teknologjia, e quajtur ‘quasistatic cavity resonance’ (QSCR), përdor fushat magnetike për të transmetuar energjinë për pajisjet mobile dhe është duke u zhvilluar nga shkencëtarët në laboratorin kërkimor të Disney në Pitsburg.
Teknologjia punon duke drejtuar rrymën elektrike në muret metalikë, dyshemenë dhe tavanin e një dhome. Por rrymat janë të sigurta për njerëzit, sepse ato janë kanalizuara përmes përçuesve të specializuar, të cilët thithin çdo fushë të dëmshme elektrike.
Alanson Sample, drejtor i laboratorit dhe shkencëtari kryesor i kërkimeve tha: “Kjo metodë e re inovatore do të bëjë të mundur që energjia elektrike të bëhet e kudogjendur si Wi-Fi.”
burimi: acp.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
