164 raste të reja me koronavirus u zbuluan gjatë 24 orëve të fundit, duke e çuar totalin e të infektuarve në 11 185.
Ministria e Shëndetësisë njoftoi se në 24 orët e fundit tre pacientë kanë humbur jetën, një 47-vjeçar nga Pogradeci, një 77-vjeçar nga Fieri dhe një 87-vjeçare nga Gramshi.
188 pacientë të shtruar ndodhen në të dy spitalet COVID, 21 janë në terapi intensive dhe 7 janë të intubuar.
Të infektuarit e rinj janë: 56 raste në Tiranë, 11 në Shkodër, 10 në Durrës, Korçë, Lushnje, 8 në Kurbin, 7 në Krujë, Fier, Kavajë, 6 në Lezhë, 5 raste në Elbasan, Vlorë, 4 në Gramsh, 3 në Kukës, Mat, Gjirokastër, 2 në Berat, Kamëz, 1 në Ura Vajgurore, Vau i Dejës, Bulqizë, Has dhe Pogradec.
Gjatë 24 orëve të fundit janë shëruar 51 qytetarë, duke e çuar numrin e të shëruarve në 6 494 që nga fillimi i epidemisë.
Që prej fillimit të marsit janë testuar mbi 70 mijë persona, prej të cilëve janë:
– 11 185 të infektuar,
– 330 viktima;
– 6 494 të shëruar,
– 4 251 të infektuar aktivë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
