Rama theksoi se të premten do të vendoset për këto zona, ndërsa u shpreh se Tirana mbetet një zonë delikate.
“Zonat e gjelbra kanë një regjim më të lehtësuar të lëvizjes. Ne po studiojmë propozimin e zonave të gjelbra. Ka disa zona të tjera që mendojmë se i plotësojnë kriteret e vendosura. Disa prej zonave, duke filluar nga Tirana, mbeten delikate dhe për këtë arsye nuk përfshihen. Deri të premten do të kemi një konkluzion dhe do të njoftojmë për zonat e reja të gjelbra”, u shpreh kreu i qeverisë.
Lexoni: Paketa e dytë financiare miratohet për 80 mijë punonjës
Kryeministri tha se hapja do të vazhdojë me shumë kujdes. “Në javën në vijim do të bëjmë analizë të thellë me ekspertët lidhur me procesin e hapjes së korridoreve ajrore dhe tokësore. Më 11 maj mund të kemi një lehtësim në raport me domosdoshmërinë e karantinimit në hotel. Floktoret, berberët, dentistët janë shumë të rrezikuar, por me rregulla strikte do të lehtësojmë dhe këto aktivitete dhe më pas na kanë ngelur qendrat tregtare, lokalet dhe baret”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto