Arben Ahmetaj, ministër i Rindërtimit, ka folur rreth shpërndarjes së fondit mbështetës për ekonominë në emisionin Opinion të TV Klan. Ai tha se, biznesi i vogël dhe të gjithë të vetëpunësuarit përfitojnë 26 mijë lekë në muaj, si pagë për shkak të mbylljes të aktivitetit. Ai ritheksoi se paga do të shpërndahet në llogaritë personale bankare të çdo përfituesi.
Sipas Ahmetajt, “Buxheti i shtetit do t’u japë 26 mijë lekë në muaj të vetëpunësuarve dhe biznesit të vogël, pra nga fasha 0 deri në 14 milionë lekë xhiro”. Në total, fondi i pagave për biznesin e vogël është 710 mln lekë. Ai theksoi se është vendosur të, “bëhet edhe një hap tjetër, të paguhet edhe një person tjetër duke dhënë kështu 2-fishin e fondit. Pagat do t’u shkojnë bizneseve në llogaritë e tyre bankare”.
Fondi për të vetëpunësuarit dhe biznesin e vogël që do të disbursohet nga qeveria është rreth 1.6 miliardë lekë nga 310 milionë lekë që është fondi i pagave, sipas Kryeministrit Rama e konfirmuar nga regjistrat e tatimeve.
Përsa i përket kompensimit të qerasë së objekteve të biznesit, kërkuar më parë nga sipërmarrësit e biznesit të vogël, ministri mohoi mundësinë e këtij përfitimi, duke thënë se nuk do të merret në konsideratë.
Përsa i përket biznesit të madh ministri tha sa ai do të duhet të adaptohet. Rritjen e fondit për disa pagesa e bëri të ditur kryeministri Edi Rama gjatë ditës së hënë. Ndërsa ministri Ahmetaj detajoi gjatë emisionit.
Sipas tij, “Paketa e sotme Rama 2, mund të pasohet edhe nga paketa tjetër. Task-forcë është duke verifikuar në terren se kush nga kompanitë e mëdha po punojnë”.
Përsa i përket ndihmës ekonomike, ministri Ahmetaj tha se mesatarisht pagesa është 5.300 deri në 8.200 lekë në muaj, duke theksuar se edhe kjo shumë do të dyfishohet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
