Orari i punës, hapi i parë për të qenë të suksesshëm

Orari i punës, hapi i parë për të qenë të suksesshëm


Jetën tonë duhet ta mendojmë si një piramidë të ndarë në: shëndet, familje dhe punë.

Shëndeti është baza e piramidës. Në fund të ditës, nëse nuk je i shëndetshëm, ti nuk mund të kujdesesh për familjen tënde. Dhe nëse jeta familjare nuk është një mjedis pozitiv, atëherë ti nuk je i fokusuar në punë. Nëse themeli është i dobët, me siguri që e gjithë piramida do të lëkundet.

Për të patur një bazë të fortë sigurohuni që të kujdeseni për shëndetin tuaj. Shi apo diell, niseni ditën herët në një orar të caktuar, dhe bëni pak ushtrime fizike apo vrap të shkurtër. Gjeni diçka që e bën më të bukur rutinën tuaj, sa hapni sytë në mëngjes.

Mos harroni, fokusi kryesor është familja. Qëndroni pranë fëmijëve dhe familjes tuaj duke bërë aktivitete të përbashkëta. Për shembull, mëngjes së bashku për të diskutuar ato që ju presin gjatë ditës.

Orën e fundit të mbetur apo pak më herët se të arrini në zyrë, fokusohuni tek zhvillimi personal. Praktikoni një gjuhë të huaj, nëse keni në plan të udhëtoni diku jashtë me familjen së shpejti.

Të gjitha këto aktivitet që përmenda pak më sipër, kërkojnë kohë. Dhe sigurisht morali është: një person i shëndetshëm nuk shkon herët në punë. Por kur shkon, është i fokusuar 100% tek puna, dhe është më produktiv e i aftë për një sukses afatgjatë.

Këshilla që japin shumë CEO është mos u mburrni se keni arritur i pari në punë. Sigurisht, në disa raste duhet të vish dhe herët. Por ju duhet të krijoni një rutinë specifike që funksionon më së miri për ju. Shumë punonjës e gjejnë orarin e mëngjesit më produktiv, e disa të tjerë atë të pasdites. Por mos harroni, kujdesuni gjithmonë për shëndetin tuaj.  Gjeni kohë për të boshatisur kokën nga mendimet e shumta dhe bëhuni pjesë e aktiviteteve që ju ndihmojnë të arrini qëllimet tuaja personale.

Siç ka thënë dhe CEO i Përgjithshëm i General Electric, Jack Welch: “Nuk ekziston një gjë e tillë si ekuilibri punë-jetë. Ka zgjedhje në jetë-punë dhe ti i bën ato dhe secila ka pasoja.”

Ju duhet të pyesni veten se çfarë jeni të gatshëm të sakrifikoni dhe çfarë nuk jeni. Gjeni piramidën e duhur për ju dhe ndërtojeni rutinën tuaj rreth saj. Do të mahniteni me rezultatin që mund të arrini.

/Fortune

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0