Nisma globale në mbështetje të sipërmarrëseve erdhi në Shqipëri!
Këtë fundjavë, Tirana u bë pjesë e Techstars Global Startup Weekend Women, një event 54-orësh, që në thelb ka mbështjetjen e sipërmarrësve të rinj dhe zhvillimin e komuniteteve rreth tyre. Kjo nismë ndërkombëtare, e mbështetur nga partnerë globalë si Google for Startups, erdhi në Tiranë në datat 27-29 Shtator 2019. Cilido që kishte një ide biznesi dhe dëshirën për ta zhvilluar atë u bë pjesë e këtij ambienti dinamik dhe frymëzues nën mentorimin e ekspertëve më të mirë.
Një fundjavë frymëzuese në kodrat e Dajtit
Në ditën e parë të eventit pjesëmarrësit kishin mundësinë të prezantonin idenë e tyre në 60 sekonda dhe më pas skuadrat u formuan për të çuar më tej idetë më të mira. Përgjatë fundjavës skuadrat i zhvilluan këto ide nën kujdesin e mentorëve, të cilët transmetuan përvojën e tyre në biznes. Fundjava kulmoi me prezantimet e ideve finale të dielën në darkë para një jurie profesionistësh, të cilët përzgjodhën skuadrën #tb për idenë inovative të një furçe dhëmbësh ekologjike. Fituesja ka mundësinë të prezantojë idenë e saj në finalen e madhe të Global Startup Weekend Women në Singapor në Mars 2020. Përveç fituesit të madh, çdo grupi iu ofrua konsulencë, trajnim dhe ekspertizë.
Qëllimi i vërtetë i kësaj fundjave ishte të krijohej një plartformë për të mbështetur çdo pjesëmarrës për të zhvilluar idenë e tij. Platforma Google Cloud u ka ofruar të gjithë pjesëmarrësve kredit për të ndërtuar faqet e tyre të web-it dhe aplikacionet mobile.
Lexoni: Nisma globale në mbështetje të sipërmarrëseve të reja vjen në Shqipëri
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
