Kjo listë e “Vendndodhjeve të rëndësishme” mund të gjendet në “Settings”, por është mjaft e vështirë për ta gjetur, qoftë kjo e qëllimshme apo jo.
Apple ndjek gjurmët dhe dyqanet ku keni qenë, sa shpesh (dhe kur) i vizitoni ato. Por Apple zhytet në më shumë detaje: iPhone juaj përpilon vendndodhjen specifike të një adrese të vetme dhe gjurmon kur largoheni dhe madje sa kohë ju nevojitet për të arritur atje dhe me çfarë lloji të transportit.
Sipas Apple, lista krijohet “për të mësuar vendet që janë të rëndësishme për ju”. Apple nuk është e vetmja që gjurmon këtë lloj sasie të të dhënave- edhe Google e bën këtë, nëpërmjet një liste të quajtur “Historiku i Vendndodhjes” që gjendet në llogarinë tuaj në Google.
“Këto të dhëna janë të koduara dhe të ruajtura vetëm në pajisjen tuaj dhe nuk do të shpërndahen pa miratimin tuaj”, ka thënë Apple në wesbsite-in e saj. “Është përdorur për t’ju siguruar shërbime të personalizuara, për shembull, për të ndërtuar Kujtime të mira me foto”.
Por në qoftë se nuk doni ta përdorni më fuksionin “Vendndodhjet e rëndësishme”, ja se si ta fikni dhe ta fshini historikun nga iPhone-ni juaj:
Së pari, drejtohuni te “Settings” dhe gjeni funksionin “Privatësia”.
Klikoni në opsionin e parë, “Shërbimet e vendndodhjes”.
Më poshtë do të gjeni një listë të çdo aplikacioni në iPhone dhe llojin e qasjes që secili ka në të dhënat e vendndodhjes tënde. Por kalojeni këtë …
… dhe shkoni në fund të faqes, ku do të gjeni “Shërbimet e Sistemit”.
Atje do të gjeni një listë të plotë të shërbimeve të ndërtuara në Apple të cilave ju i keni dhënë qasje në të dhënat tuaja të vendndodhjes. Mund të jetë një listë më e gjerë se sa mendoni. Në fund të kësaj liste, ekziston një opsion i quajtur “Vendndodhjet e rëndësishme”, i cili kërkon fjalëkalimin tuaj (shenjën e gishtit ose ID-në e fytyrës) për t’u hapur.
Aty do të gjeni një histori gjithëpërfshirëse se ku ka qenë iPhone-i juaj.
Lista është e renditur sipas qyteteve- dhe nën secilën prej tyre, mund të gjeni informacione edhe më specifike: adresat e vendeve ku keni qenë, sa herë keni qenë atje, datat specifike dhe sa kohë keni kaluar atje. Është një sasi e madhe e të dhënave.
Para se ta fikni plotësisht funksionin, mos harroni ta pastroni historikun që është ruajtur në telefonin tuaj. Opsioni “Fshij Historinë” gjendet në fund të listës.
Tani mund ta fikni listën e funksioneve duke klikuar opsionin në krye të faqes. Apple mund të ketë ende qasje në një sasi të madhe të të dhënave tuaja por të paktën ju mund ta ndaloni atë nga krijimi i një liste të detajuar për të gjitha vendet ku keni qenë!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
