Liqeni i Shkodrës, lumi e Bunës dhe gjithë trashëgimitë natyrore, kulturore e zonës pritet të përfshihet në një paketë të përbashkët turistike të Shqipërisë dhe Malit të Zi.
Përfqaqësues të turizmit malazes kanë prezantuar në Tiranë, paketat e turizmit dimëror në Mal të Zi. Gjatë takimit, Ministri ynë i turizmit Blendi Klosi tha se të dy qeveritë do të punojnë për të kthyer kufijtë jo në ura ndarëse, por si pika bashkimi mes dy vendeve.
Sipas Klosit,“oferta turistike e Shqipërisë dhe Malit të Zi, do të jetë e rakorduar dhe do të ketë një dakordërsi 100% ndërmjet institucioneve shtetërore dhe komunitetit të biznesit”. Numri i atyre që kanë hyrë nga kufiri i Malit të Zi është 360 mijë”.
Lexo: Ulja e TVSH-së në turizëm, nxitës i investimeve dhe krijues i vendeve të reja të punës
Ambasadori i Malit të Zi në Shqipëri tha se numri i shqiptarëve që vizitojnë këtë vend rritet nga viti në vit dhe kjo është si rezultat i marrëdhënieve të mira mes dy vendeve. Ai tha gjithashtu se po diskutohen edhe projekte të tjera të përbashkëta për zhvillimin turistik.
Qazim Hoxhiq tha se “Në 2018 patëm një rritje të shqiptarëve që bëjnë pushimet në Malin e Zi. Por, edhe anasjelltas. Dy vitet e fundit shumë shtetas të Malit të Zi, pushimet verore i kalojnë në Shqipëri”.
Për vitin e kaluar, në total numri i turistëve të huaj në Shqipëri u rrit 16%.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English