Por ka shumë arsye të forta për ta bërë këtë gjithsesi: Ju ndiheni shumë keq çdo mbrëmje të dielën. Ju nuk mendoni se ka vend për t’u rritur. Vlerat tuaja personale nuk përputhen me kompaninë ku punoni.
Megjithatë, ekziston një tjetër arsye më praktike për të çliruar veten nga një punë që ju urreni. Nëse ka arritur një pikë ku ju nuk po e bëni siç duhet punën atëherë ka ardhur koha për t’u larguar.
Kjo sipas Toni Thompson, kreu i talenteve dhe burimeve njerëzore për The Muse, një site mjaft i njohur për kërkimin e vendeve të punës dhe zhvillimin e karrierës. Thompson ka kaluar 11 vjet duke punuar në burimet njerëzore.
Lexoni: 5 Pyetjet që duhet t’i bëni vetes para se të kërkoni një punë të re
Thompson shpjegon se çfarë ndodh shpesh: “Ju filloni ta bëni punën keq, sepse jeni kaq të zemëruar dhe të frustruar me situatën tuaj.”
Ja pse kjo sjellje duhet t’ju shqetësojë. Thompson thekson se ju patjetër nuk duhet të qëndroni në një punë “ku jeni plotësisht të aftë dhe në rolin e duhur dhe keni bërë një punë të mrekullueshme, por nuk jeni vlerësuar” ose “papritmas nuk jeni duke bërë një punë të mirë dhe jeni bërë një punonjës i keq, sepse jeni të frustruar.”
“Në këtë pikë, ndoshta është më mirë të lëvizësh, në mënyrë që ata të kenë një kujtim të mirë për ty.”
Ju kurrë nuk mund ta dini nëse në të ardhmen mund t’ju bjerë rasti të takoni ndonjë koleg apo shef që keni pasur dikur apo nëse ju duhet ndonjë referencë nga ata. Në këtë mënyrë ju duhet të largoheni pa shkaktuar ndonjë incident që mund t’ju dëmtojë në të ardhmen, pasi nëse shkoni deri në pikën ku punëdhënësi juaj dëshiron që ju të largoheni është shumë më keq.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
