Coca Cola së fundmi ka gjetur një kanal të ri për shitjen e produkteve të kompanisë. Ajo ka bashkuar forcat me një start-up të ri. Fryti pritet të jetë shitja e produkteve të Coca Cola tek pasagjerët e shërbimeve ride-hailing gjatë tranzitit.
Më konkretisht, ky bashkëpunim do të thotë se përdoruesit e Uber ose Lyft në Amerikë do të mund të blejnë Smartwater (produkt i Coca Cola), disa ushqime, madje edhe një karikues celulari, vetëm duke klikuar në një menu online të zhvilluar nga Cargo. Cargo është e specializuar në ofrimin e të mirave dhe shërbimeve në ekonominë në rritje të ride-sharing.
Ashtu siç raportohet nga Internet Retailing, gjithçka që pasagjerët duhet të bëjnë, është të vendosin kodin personal të shoferit të makinës tek Cargo. Më pas, ata duhet të zgjedhin produktin dhe të shtypin “check out”. Më pas shoferi mund t’i japë produktin pasagjerit pasi kanë ndaluar në një vend të sigurt.
Në këmbim, shoferi merr një komision për shitjen e realizuar, gjithashtu edhe një bonus nëse kalon kufirin minimal. Sipas Cargo, shoferët mund të marrin $500 më shumë muaj.
“Ne jemi shumë të lumtur që futemi në këtë kanal të ri distribucioni me Cargo. Cargo ofron zgjidhje inovative për t’a ndihumuar Coca Cola-n që t’u ofrohen produktet atëherë kur ata i duan”, – u shpreh John Carroll, VP dhe menaxher kryesor i e-commerce pranë Coca Cola.
“Mezi po presim të shohim impaktin që ne kemi tek pasagjerët, teksa ata i gjejnë produktet e Coca Cola gjatë përdorimit të Uber apo Lyft.”
Goldman Sachs, bëri vitin që shkroi disa analiza lidhur me industrinë e ride-hailing. Ata parashikojnë se industria do të zgjerohet në $285 miliardë deri në vitin 2030.
E gjithë kjo, bën që kompani të reja të gjejnë zgjidhje të reja inovative.
Burimi: WARC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
