Shiriti i inaugurimit u pre nga kryebashkiaku i Sarajevës Z. Abdulah Skaka dhe CEO i KidZone Z. Tojan Papajorgji.
Z. Skaka ndërmjet të tjerash shprehu kënaqësinë për këtë investim si një investim shqiptar duke theksuar se Sarajeva është një qytet që mirëpret investimet e huaja.
Z. Papajorgji siguroi të pranishmit që ky është vetëm fillimi i investimeve që KidZone dhe Grupi Balfin kanë planifikuar në Bosnje. “Investime të tjera, dyqane të reja do të pasojnë shumë shpejt dyqanin që po inagurojmë sot” tha ai.
Në këtë event morën pjesë një numër i madh mediash dhe të ftuarish special.
Dyqani i parë i JUMBO në Bosnje ka një sipërfaqe prej 4500 m2. Ai ofron për klientët një gamë të shumëllojshme produktesh me cilësi të lartë si edhe shërbim te shkëlqyer. E pozicionuar në një nga rrugët kryesore të Sarajevës, me infrastrukturë moderne dhe me standardet e fundit të teknologjisë, JUMBO përbën një atraksion për të gjithë qytetin.
Tashmë Kid Zone, pjesë e Grupit Balfin, numëron 6 dyqane nën logon e JUMBO në Shqipëri, Kosovë dhe Bosnje Hercegovinë.
Grupi Balfin është grupi më i madh dhe inovator i investimeve në Shqipëri dhe një ndër më të mëdhenjtë në Ballkan.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
