Kompanitë "Albanian Trading Company" dhe "Lovers Albania" në fokus të investitorëve - Business Magazine Albania

Kompanitë “Albanian Trading Company” dhe “Lovers Albania” në fokus të investitorëve


Kompanitë “Lovers Albania” dhe “Albanian Trading Company” janë vizituar kohët e fundit nga stafi i përkujdesjes ndaj investitorit (After Care), pranë Agjencisë Shqiptare të Zhvillimit të Investimeve, AIDA, shoqëruar nga përfaqësues të Bashkisë Durrës. Këto vizita kanë pasur si qëllim kryesor rritjen e koordinimit dhe bashkëpunimit me qeverisjen lokale në funksion të asistencës ndaj investitorëve të huaj dhe atyre vendas.

Takimet janë zhvilluar në kompaninë “Albanian Trading Company” (ATC), e themeluar në korrik 1992, operuese në përpunimin dhe tregtimin me shumicë dhe pakicë të bimëve aromatiko-mjekësore e derivative të tyre, si çajrat dhe erëzat.

ATC eksporton bimë dhe çajra aromatiko – mjekësore në SHBA, Japoni, Kinë, Hungari, Bullgari, Kosovë, Maqedoni, etj. Perspektiva e kompanisë në plane afatgjata është ofrimi i produkteve BIO të çajrave bimore dhe erëzave, duke u bërë kompania lider e këtij lloji në tregun shqiptar dhe atë rajonal.

Vizita e dytë është zhvilluar në kompaninë italiane “Lovers Albania”, e cila edhe pse ka vetëm një vit që operon në Shqipëri, drejtues të saj janë shprehur se kompania e ka gjetur veten menjëherë në tregun vendas. Aktiviteti i “Lovers Albania” është prodhimi i veshjeve ushtarake dhe civile, duke përfituar nga eksperienca e operimit që nga viti 1982 në Italinë veriore. Pas konsolidimit të filialit në Rumani, kompania ka vendosur të pozicionohet dhe në tregun shqiptar.

Gjatë takimeve të zhvilluara, kompanitë kanë evidentuar disa përparime që kanë ardhur si pasojë e Kodit të ri Doganor, edhe pse kanë kërkuar thjeshtimin e mëtejshëm të procedurave doganore, si një masë lehtësuese për të stimuluar edhe më tej eksportet dhe për të qënë sa më konkurues në rajon.

burimi: aida.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0