Kur vjen fjala që të “kapësh” sa më shumë klientë. Marrëdhëniet me publikun mund të jenë miku më i mirë i një kompanie ose armiku më i keq. Ndërtimi i organizatës për një marrëdhënie të fortë me kompani-klient vjen nga besimi dhe respekti i përbashkët. Klienti është “gjaku” i kompanisë, dhe si i tillë, kompania pret që ky “ambasador” i brandit t’i “nënshtrohet disa rregullave.
Më poshtë janë pesë rregulla për t’u ndjekur kur ndërtohen marrëdhëniet e forta kompani-klient.
1. Jini konsistentë me publikimin e informacioneve
Konsistenca në shpërndarje është diçka që shumë konsumatorë e kërkojnë nga kompania. Nëse ekipi juaj i marrëdhënieve me publikun mund të jetë konsistent me nxjerrjen e informacioneve, ai do të asistojë në “kapjen” më efektive të mendjeve të publikut, dhe të fitojnë interes rishtazi në çfarëdolloj produkti apo shërbimi që po shet kompania juaj. Kurdoherë që është e mundur, përpiquni të nxirrni informacione në baza periodike.
2. Shitni “diferencën” e produktit
Mendoni se çfarë është ajo që e bën produktin e klientit tuaj unik. Çfarë qëllimi kërkon të përmbushë ky produkt ose shërbim? Çfarë mund të realizojë kjo kompani që të tjerët nuk munden?
Duke marrë në konsideratë këto faktorë janë këta të fundit që ndihmojnë në shitjen e një produkti. Klientët kërkojnë kompani që ofrojnë shërbime unike. Mos kopjoni thjesht atë që bëjnë kompanitë e tjera, përpiquni të krijoni gjëra të reja.
3. Përdorni dëshmi për të mbështetur reputacionin
Pajisja më e mirë PR që një kompani mund të përdorë është marketingu i thashethemeve (word-of-mouth). Pavarësisht se media sociale është e mirë për tregun online, avantazhet e PR e ndihmojnë organizatën të arrijë një treg “të gjallë.”
Dëshmitë janë një mënyrë e mirë për të qenë në këtë treg. Lidhuni me klientët e kënaqur në audiencën tuaj; mbase mund të rishikonit produktin e kompanisë në formën e një dëshmie të shkruar ose të paraqiteni me një demostrim live të produktit në një zonë lokale.
4. Njihni audiencën tuaj
Patja e eksperiencave me audienca të shumëfishta në tregun tuaj të zgjedhur është një plus i madh kur bëhet fjalë për marrëdhëniet me klientin.
Tregje të ndryshme ia dalin mirë me strategji të ndryshme, të “qëndisni” përpjekjet tuaja marketing për të arritur te më shumë klientë me karakteristika të ndryshme demografike në një qasje familjare do t’i bëjë marrëdhëniet të duken më personale. Kjo mund të vendosë një besim ndërmjet kompanisë dhe konsumatorëve të saj. Familjariteti shpeshherë ngjall mirëkuptim.
5. Bëjeni të kërkueshëm
Ja një ide me të cilën mund të argëtoheni-Optimizimi i Motorrit të Këkrimit.
Në mënyrë që ta bëni organizatën tuaj më të kërkueshme në Google, përdorni fjalë dhe fraza që kapin vëmendjen, të cilat njerëzit ka gjasa t’i përdorin në atë formë për të kërkuar një produkt të caktuar. Kjo e ndihmon markën tuaj të jetë më shumë e ekspozuar ndaj zonave online.
/Shkruar nga Daniel Newman, Publikuar në Entrepreneur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
