“ A dinë miliarderët diçka, që njerëzit normalë nuk e dinë?” ishte një pyetje që u ngrit në aplikacionin Quora. Patrick Methieson dha si përgjigje një thënie të Steve Jobs:
“ Gjithçka rreth teje është krijuar nga njerëz jo më të zgjuar se ty, kështu që ti mund ta ndryshosh, të ndikosh, ti mund të ndërtosh gjëra që të tjerët mund t’i përdorin.”
Është diçka që njerëzit e pasur duan ta përvetësojnë, shpjegoi Methieson, një investitor që ka punuar me miliarderë.
“Të pasurit kuptojnë që bota është e lakueshme. Me shtysën e duhur për një përpjekje, njerëzit mund ta ndryshojnë botën. Ky është nje mentalitet i ndryshëm nga njerëzit mesatarë që e mendojnë botën ashtu siç e shohin, të palëvizhshme.”
Steve Siebold, një milioner tashmë, ka intervistuar më shumë se 1200 njerëz të pasur para se të shkruajë librin “ Si mendojnë njerëzit e pasur,” e mbështet fort idenë e mësipërme.
Njerëzit e pasur kanë një mendësi veprimi dhe janë zgjidhës problemesh. “Ndërsa masat presin dhe luten për të ardhura të caktuara, elita merret me zgjidhjen e problemeve,” shkruan ai.
Kjo nuk do të thotë që ata janë më të zgjuar se njerëzit mesatarë, siç ka theksuar Steve Jobs. “Ata janë më strategjikë,” shpjegon Siebold. “Kur të pasurit janë në kërkim të parave, ata nuk mendojnë nëse është e mundur, ata thjesht gjenerojnë ide të reja dhe zgjidhin probleme.” Sa më të mëdha të jenë problemet që zgjidhni, aq më shumë para bëni.
Në fund të ditës, të bëhesh i pasur është një punë e brëndshme. “Le të mbajmë mend mirë diçka: Secili prej nesh mund të bëhet i pasur,” shkruan Siebold. “ Nuk ka shumë të bëjë me edukimin apo se nga vini. Nuk është ajo që bëni mjeti që garanton pasuri, është ajo çka jeni.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
