Problemi më i madh i prindërve të sotëm me fëmijët është padyshim telefoni celular. Shumë prej tyre i mësojnë vetë që të vegjël fëmijët të rrinë para ekranit të celularit për të parë kartonat e preferuar, e më pas kur rriten, nuk dinë më si tua heqin nga duart. Por këtu vjen një eksperiencë e një nëne nga Cornwall, e cila do të ndajë rrëfimin e saj me prindërit e tjerë. Ajo thotë se ka mbetur e befasuar nga sjellja dhe ndryshimi i të birit, pasi ajo vendosi dhe zbatoi faktin që i biri të qëndronte larg smartphone-it të tij për një vit.
Karly Tophill tha se pasi i imponoi të birit adoleshent një ndalim njëvjeçar për të përdorur iPhone, ishte tronditur nga ndryshimi në sjelljen e tij. Brenda gjashtë javësh ajo tha se Dylan 13 vjeçar dukej i lumtur, shumë “llafazan” dhe më energjik, kishte rezultate më të mira me detyrat e shtëpisë në shkollë dhe madje dilte edhe vullnetar për të ndihmuar nënën me punët e shtëpisë.
Tani Karly, është duke inkurajuar me eksperiencën e saj prindërit e tjerë, për të futur në sirtar të paktën për një ditë në javë telefonin dhe të shohin nëse do të kenë përfitime të ngjashme. Dylan më parë harxhonte dy orë në ditë duke luajtur lojra në telefonin dhe nëna e tij tha se ai ishte i shqetësuar, nxitonte për të bërë shpejt detyrat e shtëpisë dhe për t’u kthyer përsëri në rrjetet sociale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
