Qeveria Australiane ka vendosur të investojë $801 milion në fushën e sipërmarrjeve të reja. Si shumë shtete të tjera të zhvilluara, Australia ka vendosur të besojë se investimi në ” Idetë e Reja” është hapi tjetër për të pasur një zhvillim të qëndrueshëm dhe dinamik në shekullin e 21-të.
Ekonomia Australiane renditet e 17-ta në Indeksin Global të Inovacionit dhe e pesta në zonën e Paqësorit. Një investim i tillë do ta ndihmojë Australinë të ngjitë shkallët në këtë renditje të rëndësishme të sipërmarrjes ku Shqipëria renditet e 87-ta. Australia e ka mbështetur ekonominë e saj në burimet minerale që janë të shtershme. Kjo politikë e re është një kthesë e madhe drejt një ekonomie kreative dhe dinamike e cila mund të vazhdojë përjetë. Vetëm një mungesë në imagjinatën dhe idetë e reja mund ta ndalë këtë lloj ekonomie.
Kompanitë që përqafojnë inovacionin janë më të suksesshme dhe rriten shpejt në treg. Prania e tyre në ekonomi ndihmon në rritjen e punësimit për një vend. Pjesë e investimit do të jetë dhe promovimi i teknologjisë në shkolla. Studentët që në klasat fillore dhe gjimnaz do të njihen me shkencat kompjuterike dhe do të zhvillojnë aftësitë e tyre në kodim. Rreth $36 milion do të investohet tek sipërmarrësit australianë për të qenë të pranishëm në Silicon Valley, Tel Aviv dhe qëndra të tjera teknologjike.
Investimet do të ndahen në disa kategori:
- $200 milion do të investohen për kompani të reja që do gjenerojnë shërbime dhe produkte bazuar në kërkimet shkencore Australiane.
- $36 milion do të investohet tek sipërmarrësit australianë për të qenë të pranishëm në Silicon Valley, Tel Aviv dhe qëndra të tjera teknologjike.
- $26 milion për të zhvilluar informatikën kuantike.
- $13 milion për të rritur numrin e femrave në fushat e shkencës, teknologjisë dhe inxhinierisë.
- $99 milion do shkojnë për mbështetjen e shkencës dhe teknologjisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
