Mark Zuckerberg kishte 1 milion dollarë në bankë në moshën e re 22 vjeç, ndërsa Larry Ellison nuk e arriti statusin e milionerit deri në moshën 42 vjeç. Sot, të dy janë miliarderë. Disa sipërmarrës të suksesshëm pasurohen në moshë të re. Për të tjerë, nevojiten dekada. Duke përdorur një infografik nga platforma britanike Fleximize, kemi treguar moshat në të cilat Zuckerberg, Ellison, Cuban, dhe miliarderë të tjerë vetë-të krijuar fituan milionin e tyre të parë.
Mark Zuckerberg: 22
Bashkëthemeluesi dhe CEO i Facebook u bë milioner në vitin 2006 në moshën 22 vjeç. Nuk i desh shumë kohë për të kaluar nga milioner në miliarder. Në moshën 23 vjeç, IPO-ja e Facebook e bëri Zuckerberg miliarderin më të ri vetë-të krijuar në histori.
Evan Spiegel: 23
Bashkëthemeluesi dhe CEO i Snapchat u bë milioner në vitin 2013 në moshën 23 vjeç. Dy vjet më vonë, vlera e aksioneve të tij në Snapchat arriti në 1 miliard dollarë, duke e bërë miliarder vetë-të krijuar në moshën 25 vjeç.
Sir Richard Branson: 23
Miliarderi me profil të lartë nga Britania fitoi milionin e tij të parë në vitin 1973 në moshën 23 vjeç. Gati dy dekada më vonë, themeluesi i Virgin Group arriti statusin e miliarderit vetë-të krijuar në moshën 41 vjeç.
Larry Page: 25
Bashkëthemeluesi i Google fitoi milionin e tij të parë në vitin 1999 në moshën 25 vjeç. IPO-ja e kompanisë në vitin 2004 e çoi pasurinë e tij mbi 1 miliard dollarë, duke e bërë miliarder vetë-të krijuar në moshën 30 vjeç.
Bill Gates: 26
Bashkëthemeluesi i Microsoft u bë milioner vetë-të krijuar në vitin 1981 në moshën 26 vjeç, falë IPO-së së Microsoft. Vlera e aksioneve të tij kaloi 1 miliard dollarë kur ishte 31 vjeç, duke e bërë miliarderin më të ri të asaj kohe. Sot, Gates është njeriu më i pasur në botë.
Lexo edhe:Studentët e Harvard krijojnë syzet inteligjente që zbulojnë informacionin tuaj personal
Elon Musk: 27
Bashkëthemeluesi i PayPal dhe Tesla Motors dhe themeluesi i SpaceX arriti statusin e milionerit vetë-të krijuar në vitin 1999 në moshën 27 vjeç kur shiti një kompani softueri për mbi 300 milionë dollarë. Në moshën 41 vjeç, pasuria e tij kaloi mbi 1 miliard dollarë.
Warren Buffett: 30
Legjenda e investimeve dhe CEO i Berkshire Hathaway u bë milioner në vitin 1960 në moshën 30 vjeç. Ai arriti statusin e miliarderit vetë-të krijuar në moshën 56 vjeç dhe aktualisht është njeriu i tretë më i pasur në botë.
Mark Cuban: 32
Investitori i “Shark Tank” dhe pronari i Dallas Mavericks u bë milioner në vitin 1990 në moshën 32 vjeç, kur shiti kompaninë e tij të parë, MicroSolutions. Më pak se 10 vite më vonë, ai shiti kompaninë e tij të dytë, Broadcast.com, dhe u bë miliarder vetë-të krijuar në moshën 40 vjeç.
Oprah Winfrey: 32
Moguli i medias dhe mbretëresha e televizionit të mëngjesit u bë milionere vetë-të krijuar në vitin 1986 në moshën 32 vjeç. Në vitin 2003, ajo u bë gruaja e parë me ngjyrë miliardere në histori në moshën 49 vjeç.
Jeff Bezos: 33
Themeluesi dhe CEO i Amazon u bë milioner vetë-të krijuar në vitin 1997 në moshën 33 vjeç, kur IPO-ja e Amazon siguroi 54 milionë dollarë. Dy vite më vonë ai arriti statusin e miliarderit në moshën 35 vjeç.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
