“Vlerësimi i kompanive në të ardhmen do të bazohet në mënyrën se si ato trajtojnë njerëzit, komunitetin dhe mjedisin, ndaj është e rëndësishme që të konsiderojmë qëndrueshmërinë në çdo gjë që ne bëjmë”, u shpreh Lorent Gordi në fjalën e tij në Konferencën Balkanomics.
Në edicionin e tretë të konferencës rajonale Balkanomics, mbajtur në Tiranë, Lorent Gordi, menaxheri i përgjithshëm i Philip Morris International (PMI) për Shqipërinë dhe Kosovën, ndau një pjesë të transformimit të qëndrueshëm të PMI drejt një të ardhme pa tym.
Philip Morris International është vlerësuar në vend të parë nga revista Forbes në 2024 si një ndër 10 kompanitë amerikane që po udhëheqin tranzicionin drejt një të ardhme me zero emetime neto.
Rreth objektivave të PMI për një të ardhme pa tym, Gordi u shpreh se ndryshimi shpesh has në rezistencë, pavarësisht faktit se ka prova shkencore që e mbështesin këtë transformim të Philip Morris International. Ai nënvizoi se nevojitet një punë e vazhdueshme informuese dhe edukative për publikun, për të kuptuar efektet pozitive të këtij ndryshimi dhe për ta përqafuar atë.
Phlip Morris International ka ndërmarrë një anagazhim ambicioz për një të ardhme pa tym dhe synon që deri në 2030, dy të tretat e të ardhurave të saj të vijnë nga produktet pa tym. Këto produkte edhe pse jo të padëmshme janë një zgjedhje më e mirë se pirja e duhanit.
Gordi më tej theksoi që transformimi drejt qëndrueshmërisë shkon përtej investimeve të kompanisë dhe kërkon bashkëveprim me palët e treta, bashkëpunëtorët, furnitorët dhe entet rregullatore të përfshira në këtë proçes.
Në këtë drejtim, Gordi u shpreh i lumtur për përfshirjen e PMAL si anëtare bordi e rrjetit të parë ESG të krijuar në Shqipëri dhe e vlerësoi këtë moment si një hap kyç drejt praktikave të qëndrueshme në vend.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
