OSHEE ka bërë të ditur tarifat e reja që do të aplikohen për furrat e bukës, pastiçeritë dhe ato ku shërbehet edhe si bar-kafe.
Sipas vendimit të fundit të ERE-s, në takimin e javës së fundit të muajit korrik, OSHEE dhe “Shoqata e Prodhuesve të Bukës, Pastiçerisë dhe Brumërave” janë koordinuar për ecurinë e procesit dhe hapat e domosdoshëm për përmbylljen me sukses dhe kalimin e të gjitha subjekteve në tarifat e reja të miratuara.
“OSHEE Group dhe “Shoqata e Prodhuesve të Bukës, Pastiçerisë dhe Brumërave” iu rikujtojnë subjekteve të interesuara të paraqiten pranë pikave të Kujdesit Ndaj Klientit dhe të deklarojnë kontratat e furnizimit me energji elektrike sipas qëllimeve të aktivitetit furrë buke dhe shërbimeve të integruara pastiçeri dhe/ose bar-kafe. Deklarimi i të gjitha kontratave të energjisë do t’u japë mundësi këtyre bizneseve të kenë një kontratë të vetme, me tarifën më të mirë, bazuar në llojin e aktivitetit të ushtruar”, thuhet në njoftimin e OSHEE-së.
Lexo:Sulm Kibernetik i Paprecedentë nga Ukraina
OSHEE shton se subjektet e biznesit, që paguajnë ende me 14 lekë/kWh, duhet të aplikojnë pranë pikave të Kujdesit Ndaj Klientit për ndryshim të tarifës (kod K11 për të gjitha kontratat që lidhen me të njëjtin ambient), në mënyrë që të merren të gjitha masat e nevojshme për shqyrtimin sa më të shpejtë të kërkesës dhe vendosjen e tarifës sipas tipologjisë së miratuar nga ERE.
Sipas vendimit, tarifat e reja të konsumit të energjisë elektrike janë:
- Aktivitete Furrë buke: 7.6 lekë/kWh
- Aktivitete Furrë buke – pastiçeri: 9.5 lekë/kWh
- Aktivitete Furrë buke – pastiçeri – bar-kafe: 12 lekë/kWh
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
