Gjatë vitit 2023, sipas të dhënave të Autoritetit Kombëtar për Sigurinë Kibernetike, Shqipëria u përball me 46 sulme kibernetike, prej të cilave 12 solli pasoja të konsiderueshme financiare. Në 70% të këtyre rasteve, gabimet ishin tërësisht njerëzore, shkaktuar nga neglizhenca dhe mungesa e njohurive në fushën kibernetike. Duke u bazuar në këto statistika shqetësuese, Autoriteti Kombëtar për Sigurinë Kibernetike, në bashkëpunim me CRDF Global dhe me mbështetjen e Departamentit Amerikan të Shtetit, organizoi një trajnim të rëndësishëm me temën “Higjiena Kibernetike dhe Praktikat më të Mirë të Sigurisë”. Ky aktivitet u zhvillua në format hibrid, duke lejuar pjesëmarrjen në mënyrë fizike dhe online. Drejtori i Përgjithshëm i Autoritetit Kombëtar për Sigurinë Kibernetike, Z. Igli Tafa, theksoi nevojën për një vëmendje më të theksuar ndaj këtij problemi, i cili ka pasoja të rëndësishme financiare.
Më shumë se dy mijë punonjës të Administratës Publike po përfshihen në një program intensiv trajnimi nga Autoriteti Kombëtar për Sigurinë Kibernetike dhe Departamenti Amerikan i Shtetit, me qëllim parandalimin e sulmeve kibernetike në sistemet kompjuterike të shtetit shqiptar.
“Për të mbrojtur këto infrastruktura dhe për të rritur kapacitetet njerëzore, është e rëndësishme që punonjësit të jenë të vetëdijshëm dhe të ndërgjegjshëm se çdo sulm kibernetik prek jo vetëm institucionin, por gjithashtu edhe zinxhirin ekonomik të vendit tonë. Po ashtu, është e rëndësishme që ata të punojnë në përputhje me standardet që janë të përcaktuara nga Autoriteti Kombëtar për Sigurinë Kibernetike”, tha Drejtori i AKSK.
Drejtori i AKSK gjithashtu informoi për numrin e sulmeve të regjistruara gjatë vitit të kaluar dhe origjinën e tyre.
Sulmet kibernetike solli shumë sfida vitin e kaluar për disa institucione dhe në kohët e fundit janë rritur, duke kthyer në rrezik potencial infrastrukturën dhe ekonominë e Shqipërisë.
Shtatëdhjetë për qind e incidenteve kibernetike shkaktohen si pasojë e gabimeve njerëzore, të cilat ndodhin pa e ditur ose kuptuar nga punonjësi përkatës që po kryen veprime të gabuara.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
