Albanian International School është e përkushtuar në sigurimin e suksesit akademik të çdo fëmije. Shprehje të ngjashme me këtë përsëriten në çdo sistem shkollor rreth globit në shkallë të ndryshme autenticiteti. Në AIS, përkushtimi është i sinqertë. Shkolla operon si një institucion laik, duke përfshirë nga Kopshti (3 vjeç) deri në klasën e 9-të. Përvjetori i 10-të u festua në vjeshtë të vitit 2022.
Albanian International School është e akredituar nga Western Association of Schools and Colleges (WASC). AIS vëren me krenari se të diplomuarit e saj aktualisht po shkëlqejnë në disa nga shkollat dhe universitetet më prestigjioze në mbarë botën. Arritjet e jashtëzakonshme janë rezultat i përkushtimit të vazhdueshëm të stafit për mirëqenien akademike, shoqërore dhe emocionale të çdo fëmije. Takimet mujore mes prindërve dhe mësuesve mbahen në AIS për të mbajtur prindërit të informuar rreth progresit qe nxënësi ka patur në lëndët bazë si dhe në art, muzikë e sport.
Shkolla përdor Alma- System, një softuer fuqizues për sistemin e informacionit të studentëve, që nxit komunikim të vazhdueshëm mes studentëve, prindërve dhe edukatorëve. Me një raport të shkëlqyer nxënës- mësues, të gjithë femijët marrin vëmendjen e individualizuar që u takon. Nxënësit që zgjedhin të studiojnë në AIS marrin një vlerësim fillestar për të siguruar vendin e tyre dhe për t’i ndihmuar me identifikimin e pikave të tyre të forta dhe me fushat që ata kanë nevojë për përmirësim. Nëse nxënësit e rinj nuk kanë njohuri të mjaftueshme të gjuhës angleze, atëherë ata caktohen në klasa intensive të gjuhës angleze duke përdorur metodologjitë dhe materialet më të fundit.
Lexo edhe:Flet letonezja e cila hapi shkollën shqipe në Londër. Çfarë e shtyu?
Përveç nxitjes së arritjeve akademike, nxënësve të AIS u jepen mundësi të shumta për të zhvilluar aftësitë e tyre udhëheqëse, për t’u bërë qytetarë globalë dhe studiues pergjatë gjithë jetes. Programi në AIS kërkon një staf profesional, inovativ dhe të përkushtuar. Shkolla krenohet që ka mësues të jashtëzakonshëm në çdo nivel arsimor. Ata japin mësim sipas standardeve bazë të Common Core USA dhe efikasiteti i tyre vlerësohet tre herë në vit kur shkolla administronë një test të standardizuar nga një palë e tretë, (testi MAP NWEA) për të matur rritjen e nxënësve. Rezultatet e marra përmes testit MAP jo vetëm që konfirmojnë se sa mirë po ecin nxënësit, por gjithashtu identifikojnë fushat ku diferencimi mund të jetë i nevojshëm për të plotësuar çdo boshllëk mësimor.
Në 10 vitet e fundit, AIS ka luajtur një rol të rëndësishëm në edukimin e një grupi të rinjsh entuziastë dhe akademikisht të fortë, duke i përgatitur ata për të përballuar sfidat e viteve që do të vijnë. Ndërsa shkolla hyn në dekadën e saj të dytë, angazhimi mbetet po aq i fortë se kurrë për t’u ofruar studentëve të AIS një arsimim të shkëlqyer.
Ju mund të klikoni këtu, për më shumë informacione apo kuriozitete rreth Albanian International School.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
