Krahas çmimit të lartë, dhe pothuajse të njëjtë në të gjitha pikat e karburantit, klientet përballen me nje një tjetër femonem: atë të vjedhjes në sasi.
Konfindustria, përmes një njoftimi për mediat, ka ngritur shqetësimin, së është i pranishëm, madje i shtuar, fenomeni i vjedhjeve me volumet e sasive të karburanteve në pikat e shitjes me pakicë për bizneset dhe qytetarët.
Konfindustria kërkon marrjen e masave të jashtëzakonshme nga ekzekutivi (qeveria). “Për më shumë, gjendja ka ardhur duke u përkeqësuar pas dhënies me koncesion të shërbimit të kontrollit të pompave dhe shtimit të taksës përkatëse, që paguhet nga blerësi fundor. Mbështetur në vlerësimet e përafërta, vjedhjet në sasitë e shitura arrijnë nga 4-5% për produktet naftë dhe benzinë deri në 12% për gazin e lëngshëm LPG, të tregtuara në pikat e pakicës”.
Sipas Konfindustrisë, vlerat e mësipërme janë goditje tjetër e ashpër për bizneset dhe qytetarët, që i shtohet, ngarkesës së lartë fiskale dhe cilësisë së dobët të karburanteve në qarkullim në treg. Shqipëria ka çmimet më të larta krahasuese të karburanteve në rajon dhe Europë.
Duke patur parasysh, se tregtia me pakicë e karburanteve në Shqipëri është rreth 1.5 miliardë USD/vit, vjedhjet me volumet e shitura përllogariten në dhjetra milionë USD/vit shtesë, kosto shtesë për bizneset dhe qytetarët. Njëkohësisht, vjedhjet me volumet e shitura, janë goditje e ndjeshme edhe për buxhetin e shtetit. Vjedhjet me volumet e karburanteve janë një nga mënyrat kryesore të kontrabandimit të karburanteve, që përllogaritet në të paktën 200 milionë USD/vit, vëren Konfindustria.
Dukuria e mësipërme, sipas saj, është shtuar ndjeshëm pas kalimit me koncesion privatit të shërbimit të kontrollit metrologjik të pompave të karburanteve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
