Kryeqyteti shqiptar këto ditë është i tejmbushur nga turistët e huaj, të cilët e kanë kthyer Shqipërinë në destinacionin kryesor turistik të Ballkanit për vitin 2023.
“Ajo që më pëlqen më shumë është gëzimi që reflektojnë njerëzit këtu. Që të gjithë janë shumë të mirë. Vajza ime ka punuar këtu një vit në Kishë. Ajo e kishte ëndërr të kthehej në Shqipëri dhe erdhëm. Vajza më tha se pas 10 vitesh Shqipëria ka ndryshuar shumë. Ishim në Ksamil dhe ishte shumë bukur. Sa më shumë turistë të vijnë, aq më mirë është për vendin tuaj, sepse ka edhe punë,” shprehet një turiste.
“Vij nga SHBA. Është hera e parë këtu në Shqipëri dhe më pëlqen shumë historia dhe kultura e vendit,” thotë një tjetër turist.
“Sot është dita e parë këtu. Deri tani duket bukur,” shton një turiste franceze.
“Është hera ime e parë në Shqipëri. Tirana më duket qytet shumë i këndshëm,” thotë një turiste nga Brazili
Grupe të ndryshme turistësh i sheh tek vizitojnë zonat historike e kulturore të Tiranës.
E veçanta është se mes tyre ka grupmosha të rinjsh.
Natyra e bukur, historia, kultura dhe, pa dyshim, ushqimi është ajo çka i grish turistët të vijnë në Shqipëri.
Nga janari kanë hyrë 5.1 milionë vizitorë, nga të cilët 1.7 milionë vetëm në muajin korrik.
Viti 2023 pritet të mbyllet me 9 milionë vizitorë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
