Women2 Women, eventi periodik, ku gratë në karrierë dhe në sipërmarrje do të mund të takohen hap siparin me 10 Prill.
Gratë dhe vajzat në fushën e sipërmarrjes, teknologjisë dhe inovacionit kanë një dritare, ku mund te dëgjojnë dhe komunikojnë për tema të rëndësishme.
Women2Women, synon të sjellë eksperte apo sipërmarrëse të njohura, të cilat do të ndajnë njohuritë e tyre rreth një teme me interes.
Në takimin e parë Women2Women, vjen posaçërisht në Shqipëri, nga Austria Landa Grembi, eksperte në fushën e teknologjisë dhe mentore e startupeve në vende të ndryshme (Europë dhe Azi).
Tema që do të diskutohet në këtë takim është: Teknologjia, ChatGPT dhe ndryshimet që na presin!
Cilat janë zhvillimet më të rëndësishme në fushën e teknologjisë. Çfarë ndryshimesh sjell ChatGPT dhe cilat janë sfidat dhe detyrat e njeriut në teknologjinë e së ardhmes.
Eventi zhvillohet me 10 Prill ora 17:00, pranë Dhoma Kombëtare e Zejtarisë, Tiranë
Nëse do të jesh pjesë e eventit dhe networkut, Regjistrohu!
Kush është Landa Grembi! Landa ka më shumë se 22 vjet përvojë në fushën e IT-së, Konsulencës si dhe në Industrinë e Telekomunikacionit, duke drejtuar projekte inovative në këtë lëmi. Menaxhere Projektesh të ndryshme me një histori të demonstruar gjithashtu në drejtimin e ekipeve ndërkombëtare. Aktualisht menaxhon një portofol produktesh në një nga kompanitë me të reja të Deutsche Telekom – Technology Delivery International. Ka udhëhequr shumë projekte të inovacionit si: Smart City, 5G Campus Network, ka udhëhequr po ashtu zbatimin e përmirësimit të rrjeteve IoT në Austri si dhe integrimin e platformës IoT të gjuhës shqipe. Gjithashtu mentore prej më shumë se 15 vitesh për Startups në Austri, Shqipëri, Kosovë dhe me gjërë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
