Nga Armina Plaku, kontributore
Kohët e fundit flitet shumë për suksesin, paranë, famën etj. Kështu po ushtrohet një presion në formën e “motivimit” tek njerëzit se si të arrijnë diҫka në jetë. Padyshim që këshillat dhe frymëzimi janë të dobishme, por një shoqëri shumë materialiste si kjo e sotmja qe po përjetojmë, ka tendencë që të kryqëzojë dhe deformojë konceptin e lumturisë dhe mënyrën se si të bëhemi të pasur apo të suksseshëm.
Dëshira për të ecur para motivon ҫdo individ për të ndjekur ato mundësi, të cilat na hapin rrugën që të rritemi, qoftë në punë, edhe si njerëz. Koncepti i rritjes në karrierë i një individi perceptohet shpesh me rritjen në detyrë dhe marrjen e një titulli apo posti me rëndësi, pavarësisht nëse është apo ajo ҫka realisht duan të bëjnë.
Kemi dëgjuar shpesh histori të njerëzve, të cilët me vite me rradhë kanë bërë punë, të cilat shumë njerëz të tjerë i ëndërrojnë dhe përsëri nuk janë ndjerë që janë në vendin e duhur. Bazuar në këto situata, jo gjithmonë rritja në pozicion sjell një rritje të individit, Kjo do të thotë që, rritja dhe suksesi në jetë vijnë atëherë kur ti bën atë ҫka të plotëson, zhvillon aftësitë në atë ҫka vërtetë ke pasion dhe të qëndrosh aty.
Këtu jemi mes një zhvillimi aftësish në atë ҫka dëshiron dhe mes zhvillimit të hierarkisë, në të cilën ndodhesh. Rritja duhet të jetë e lidhur ngushtë me Unin tonë për të kuptuar vërtetë atë ҫka duam të bëjmë, në mënyrë që, jo të dukemi të suksesshëm në ambientin që na rrethon, por të ndihemi të suksesshëm.
Secili nga ne është unik dhe nëse jemi në harmoni me veten dhe ëndrrat tona, do jemi tashmë të rritur. Asnjëherë nuk duhet të identifikohemi nga opinioni i ambientit që na rrethon, për të gjykuar vetveten dhe dyshuar nëse jemi të suksesshëm apo jo.
Lexo: 5 muaj në hapësirë, ekuipazhi SpaceX i NASA-s kthehet i sigurt në Tokë
Disa fakte që duhet të pranoni në rritjen tuaj si individ dhe në karrierë:
- Përcaktoni në jetë atë ҫka realisht doni të bëni dhe ndiqeni.
- Qëndroni me integritet dhe qëllim të mirë ,kufiri mes ambicies dhe egoizmit të tepruar është shpesh herë i padukshëm,mësoni ta dalloni.
- Jeta është një proҫes që përfshin një mori eksperiencash prej të cilave do të zbuloni gjithmonë mbi veten,sidomos nga ato të këqijat.
- Të pranoni që gabimet janë njerëzore dhe prej tyre mund të mësoni shumë.
- Kurrë mos u bazoni në rrugëtimin e të tjerëve për të ndjekur rrugëtimin tuaj.
- Punoni me ndershmëri, sepse rruga e suksesit nuk është kurrë e lehtë.
- Nëse diҫka nuk shkon mirë në punën apo jetën tuaj, mos e quani kurrë dështim.
- Nuk ështe turp të kërkoni ndihmë dhe të jepni. Do kaloni edhe ditë të vështira.
- Qënia njerëzore është komplekse ,mësoni ta doni veten.
- Jo gjithmonë fama, paraja dhe pushteti të sjellin lumturinë.
- Jini në paqe me të.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
