Një rrufepritës me lazer është shpikja më e re e teknologjisë që mund të devijojë shkarkimin elektrik në vende ku nuk mund të shkaktojë dëme.
Shkencëtarët shprehen se teknika e re mund të mbrojë aeroportet, karburantet, platformat e lëshimit të raketave dhe objekte të tjera nga shkatërrimi. Lazeri krijon një shufër virtuale që imiton përçuesit metalikë të cilët presin rrufetë dhe e drejtojnë rrymën drejt tokës.
Pajisja peshon 5 ton, është sa një makinë e madhe dhe mund të lëshojë deri në 1000 pulse në sekondë. Fillimisht u instalua pranë një kulle telekomunikacioni në Alpet zvicerane e cila goditet nga vetëtima rreth 100 herë në vit.
Lexo: Miliarderi që vendos të bëhet “i varfër”
Në 6 orë operacion gjatë stuhive me vetëtima ata vunë re se lazeri devijoi drejtimin e 4 shkarkimeve elektrike nga kulla 121 metra e lartë. Rezultaten u mbështetën duke përdorur valë me frekuencë të lartë elektromagnetike të prodhuara nga vetëtimat për të lokalizuar goditjet.
Lazeri me trilionë Watt është i pari i llojit të tij dhe një prej më të fuqishmëve. Ai funksionon duke lëshuar një ‘kanal’ të gjatë të jonizuar, të quajtur filament lazeri drejt reve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto