Për herë të parë në sistemin shëndetësor shqiptar prezantohet një studim për matjen e nivelit të kënaqshmërisë së pacientëve në kujdesin shëndetësor parësor.
Lajmin e ka dhënë në rrjetet sociale ministrja e Shëndetësisë dhe Mbrojtjes Sociale, Ogerta Manastirli.
Sipas të anketuarve 95 përqind e të anketuarve janë të kënaqur nga ky shërbim.
“Çdo përpjekje dhe punë e përditshme e strukturave të shëndetësisë për përmirësimin e infrastrukturës, për forcimin e burimeve njerëzore dhe rritjen e aksesit në shërbime ka në fokus garantimin e kujdesit cilësor për qytetarët, duke nisur nga porta e parë e ofrimit të shërbimit shëndetësor”, shkruan zonja Manastirli.
Ministrja njofton gjithashtu se mbi 57 mijë urgjenca janë pritur nga Janari 2022 nga ekipi i Urgjencës së Spitali Universitar i Traumës, “me një përgjigje të jashtëzakonshme në kohë dhe me cilësi”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
