Zekri Picari është një djalë ambicios. Ai ka përfunduar studimet në Univeristetin Polis në Tiranë, Dega “Art-Design” dhe është angazhuar në Forumin Rinor të Partisë Demokratike që në vitin 2011 e në vazhdim. Rolet drejtues dhe organizative i ka nisur që në gjimnaz për të vijuar më tej edhe në fakultet.
Para se të ikte në Amerikë ai ka punuar disa vite si drejtor kreativ në Tiranë, pranë një kompanie design-printim dhe marketing. Pasi u bë pjesë e disa protestave, ai u largua për në SHBA në vitin 2018 për shkak të pasigurisë.
Bashkë me familjen u vendos në New Jersey. “Aty zhvillova si fillim një biznes të vogël në fushën e ëeb and graphic design dhe më pas kalova në industrinë e ndërtimit”, thotë Zekri Picari. Prej dy vitesh ka krijuar kompaninë e tij “Master Pro Construction”, të cilën e zhvilloi në një kohë të shpejtë. Sipas tij, “ofrimi i shërbimeve cilësore dhe marrëdhëniet e shkëlqyera me klientët, janë baza e kësaj rritjeje”. Sot ajo është një ndër kompanitë me emër në shtetin e New Jerseyt, në bazë të vlerësimeve “review” të klienteve në platformat online.
Lexo: AlbaniaTech, 100 ditët e para të platformës së startup-eve dhe inovacionit në Shqipëri
Ai ka pasionin dhe dëshirën për të zhvilluar disa projekte në fushën e biznesit dhe inovacionit. Në planet e tij për të ardhmen janë zhvillimi i të gjitha projekteve që ka nisur dhe ofrimi i shërbimeve për klientët në të gjithë tregun e madh të Amerikës. Për Zekrinë, Amerika është vendi i mundësive të mëdha për njerëzit që duan të punojnë fort dhe mund shpërblehen në mënyrën më të mirë. Por mendja dhe zemra e tij është shumë e lidhur me Shqipërinë. “Dua të bëj të mundur që bizneset dhe eksperincën time ta zhvilloj dhe të jap kontribut në atdheun tim. Kam dëshirë që kulturën dhe standardet amerikane t’i shtrijmë në tregun shqiptar” thotë ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
