9 zakone që do t’ju ndihmojnë të bëheni versioni më i mirë i vetes tuaj


BusinessMag në këtë artikull ju sjell 9 zakonet më të mira që Nelson Wang, themelues i www.CEOLifestyle.io ka zhvilluar gjatë 33 viteve të fundit pas studimit të sipërmarrësve, drejtuesve nga kompanitë Fortune 1000 dhe përvojat e tij personale:

Lexoni: Si ndikojnë zakonet në suksesin tuaj?

1. Çdo mëngjes, bëni një listë të 3 gjërave më të rëndësishme që duhet të bëni gjatë ditës, të cilat do të kenë ndikim më të madh në ditën tuaj. Kjo ndihmon për të mos u hallakatur dhe ju detyron t’u jepni përparësi gjërave që kanë rëndësi gjatë ditës.

2. Përdorni testin 10-vjeçar – Kur ndodheni në situata të vështira, shpesh herë do të duket si një fatkeqësi. Por mos rrini të vajtoni për vështirësitë, ngrini kokën dhe bëni diçka me jetën tuaj në vend që të mposhteni. Kur të hasni në situata të vështira, në vend që të shqetësoheni, pyesni veten, a do të ketë rëndësi kjo çështje për 10 ditë? 10 muaj? 10 vite? Shanset janë se nuk do të ndodhë. Mos djersisni kot në gjërat e vogla, por fokusohuni në pamjen e madhe.

3. Mësoni një gjë të re çdo ditë – Mund të jetë një listë e zakoneve të reja, një gjuhë e re apo një aftësi e re. Shtyjeni veten të rriteni çdo ditë. Nëse përmirësoheni nga pak çdo ditë, mendoni se si ky përmirësim do të jetë pas një viti.

4. Shikoni një udhëheqës në Youtube çdo javë – Shumë nga gurutë rekomandojnë leximin çdo ditë për të mësuar. Leximi është goxha i mirë, por shumë persona mësojnë më mirë përmes pamjeve. Kjo është arsyeja pse rekomandohet që të shikoni video në Youtube ku mund të mësoni dhe të merrni njohuri nga udhëheqës të ndryshëm.

5. Grumbulloni email-et tuaj. Është e lehtë për t’u shpërqëndruar pasi një mal me email-e ju vijnë gjatë ditës. Në vend që të kontrolloni secilën prej tyre kur vjen, grumbullojini ato dhe kontrolloni grumbullin çdo 3 orë nëse mundeni. Zakonisht në qoftë se është diçka urgjente dikush do t’iu flasë në Slack, Sype, do t’iu bëjë një mesazh apo edhe mund t’iu telefonojë.

6. Pini një smoothie të gjelbër çdo mëngjes – Është e shpejtë, e lehtë dhe e shëndetshme për ju. Kjo është një mënyrë e mirë për të konsumuar perimet dhe frutat çdo ditë. Këshillë: ngrini frutat dhe perimet tuaja në mënyrë që ato të zgjasin më gjatë. Plus, ajo i jep smoothie tuaj një cilësi më të mirë (sidomos nëse shtoni banane!).

Lexoni: 6 zakone të sigurta që do t’ju bëjnë një lider të paharrueshëm sot ose nesër

7. Bëni ushtrime çdo mëngjes – Është kaq e thjeshtë, por edhe kaq efektive në të njëjtën koheë. Energjia juaj do të jetë më e lartë gjatë pjesës tjetër të ditës dhe shëndeti juaj do të përmirësohet.

8. Praktikoni mirënjohjen – Çdo mëngjes (ose natë), thojini vetes 3 gjëra për të cilat jeni mirënjohës për atë ditë. Do t’ju bëjë të ndiheni shumë më të lumtur. Një mënyrë tjetër për ta bërë këtë është t’i shkruani diku këto gjëra që ju bëjnë mirënjohjës. Sa herë që ndiheni pesimistë dhe të pa motivuar thjesht lexoni ato që keni shkruar.

9. Ndërtoni një ambient ku të ndiheni mirë – Kaloni kohë me miqtë dhe familjarët që ju motivojnë dhe frymëzojnë të jetoni jetën më të mirë të mundshme. Keni dikë negativ në jetën tuaj? Mos shpenzoni kohë me të. Largojini njerëzit negativë nga jeta juaj! Rrethojeni veten me njerëz që sjellin më të mirën tek ju dhe iu ndihmojnë të shkëlqeni.

burimi: INC

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale